ქართული კომპანია Hispania მომხმარებელს მუდმივად ანებივრებს სიახლეებით. გამონაკლისი არც 8 მარტთან დაკავშირებული აქციები აღმოჩნდა. დეტალური ინფორმაციისთვის OK! გაესაუბრა Hispania-ს დამფუძნებელს თეა ბობოხიძეს.
გვიამბეთ თქვენი საქმიანობის შესახებ.
ჩვენს საქმიანობის სფეროს წარმოადგენს ესპანეთიდან ჰიგიენური და ქიმიური საშუალებების იმპორტი. აღსანიშნავია, რომ არცერთი მათგანი ადამიანის ჯანმრთელობისთვის არანაირ საფრთხეს არ შეიცავს.
რა არის ის მთავარი ნიშა, რაც Hispania-ს გამოარჩევს?
ჩვენს პირველ პრინციპს წარმოადგენს სწორედ ის, რომ მოსახლეობას მივაწოდოთ ესპანური პროდუქტები ზუსტად იმ ხელმისაწვდომ ფასად, როგორც ის ევროპის სხვადასხვა ქვეყანაში ღირს. ჩვენ მომხმარებელთან ყოველთვის გულწრფელები ვართ და ვთავაზობთ მათ პროდუქტებს სწორი ინფორმაციით. ჩვენი პროდუქტებიდან გამოირჩევა ახალი კოლექცია, რომელიც არის სულფატების და პარაბენების გარეშე. დღესდღეობით საქართველოში არის საკმაოდ დიდი მოთხოვნა ამ პროდუქტებზე და სამწუხაროდ ისინი ძალიან ძვირი ღირს. შესაბამისად, არ არის ყველასთვის ხელმისაწვდომი. ჩვენ კი მომხმარებელს ვთავაზობთ ხარისხიან პროდუქციას ხელმისაწვდომ ფასად. ჩვენი პროდუქტები ძირითადად გამოირჩევა მოცულობით, არის დიდი შეფუთვის და ფასი აქვს დაბალი. ასევე გვაქვს სამკურნალო ხაზი შამპუნი, ბალზამი, ნიღაბი, თმის ზეთები და ა.შ.
გვესაუბრეთ 8 მარტთან დაკავშირებული აქციების შესახებ.
8 მარტისთვის მომხმარებლებს ჩვენს ობიექტებზე ვთავაზობთ სასაჩუქრე ნაკრებებს, რომლებიც შეუძლიათ შექმნან თავიანთი გემოვნებით და სურვილის მიხედვით. რა თქმა უნდა, ჩვენი დახმარებით. მათ ვუწევთ რეკომენდაციას როგორი ტიპის თმისთვის, თუ კანისთვის ჩვენი კოლექციებიდან რომელი პროდუქტია მისაღები. ამავდროულად მათ ვთავაზობთ ერთ კვირიან 30%-ან ფასდაკლებას.
სამომავლო გეგმები.
ამ თვის ბოლოსთვის დავამატებთ ახალ კოლექციას – ეპანურ თმის საღებავებს, ასევე თმის აღმდგენ და გამაჯანსაღებელ ამპულებს. რა თქმა უნდა, თითოეული მათგანი იქნება მაღალი ხარისხის და ყველასათვის ხელმისაწვდომ ფასად. ეს არის ის სიახლე, რაც მარტის თვეში გველის. აპრილიდან კი დაგვემატება უსულფატო შამპუნების ახალი კოლექცია, რაც ისევ ესპანური პროდუქცია იქნება ყველასათვის მისაღებ ფასად.
ტექსტი: მარიამ მთივლიშვილი
