- შარლიზ ტერონის მაკიაჟს ყოველ ჯერზე სამი საათი სჭირდებოდა
Imdb-ს მიხედვით „სენსაცია“ (Bombshell) 59 ნომინაციაზეა წარდგენილი, საიდანაც 25 ჯილდო აიღო.
ყველაზე მეტი ჯილდო ფილმმა საუკეთესო მაკიაჟისა და ვარცხილობისთვის აიღო (ჯამში 13 ჯილდო), მათ შორის ოსკარი (2020 წ.) და ბაფტა (2020 წ.).
შთამბეჭდავ მაკიაჟსა და ვარცხნილობაზე მრავალი ჯილდოს მფლობელი გუნდი მუშაობდა: Vivian Baker, Kazu Hiro, Anne Morgan.
შარლიზ ტერონის მეგინ კელიდ გარდასაქმნელად კაზუმ მსახიობის სახის 3D სკანირებას მიმართა. რის შემდეგაც შარლიზისა და მეგინ კელის ფოტოები და ვიდეო ჩანაწერები გააანალიზა და მათ სახეებს შორის მსგავსებები გამოკვეთა, რაც საყრდენ წერტილებად გამოიყენა.
ამ ტექნოლოგიის წყალობით მან მაკიაჟის გამოყენება მინიმუმამდე შეამცირა.
მიუხედავად ამისა, ყოველ ჯერზე შერონის გარდაქმნას სამ საათიანი პროცედურა სჭირდებოდა.
Getty Visuals, Courtesy
შარლიზ ტერონის ტრანსფორმაცია მეგინ კელიდ
- WomanLab-მა „სენსაცია“ (Bombshell) აუცილებლად სანახავი ფილმების სიაში შეიყვანა
WomanLab-მა „სენსაცია“ შეარჩია, როგორც ერთ-ერთი მნიშვნელოვანი ფილმი, რომელიც უნდა ნახოთ.
ძალიან დიდი ხნის მანძილზე ქალების პირადი ცხოვრება, განსაკუთრებით სექსუალურ ჭრილში, ტაბუირებული იყო. მაგალითად, თითქმის წარმოუდგენელი იყო, ვინმეს ხმამაღლა ეხსენებინა მასტურბაცია ქალებში, ან ქალებს გაემხილათ ფაქტები მათი სექსუალურად შევიწროვების შესახებ.
ფილმის მთავარი გმირი ქალები ფოქს ნიუსის თანამშრომლები არიან (როლებს ასრულებენ შარლიზ ტერონი, ნიკოლ კიდმანი და მარგო რობი), რომლებმაც ხმა აიმაღლეს ფოქს ნიუსის აღმასრულებელი დირექტორის, როჯერ აილსის წინააღმდეგ და იგი სექსუალურ შევიწროვებაში ამხილეს.
ფილმს საფუძვლად რეალური სკანდალი უდევს. 2016 წელს თანამშრომელმა ქალებმა როჯერ აილსი, ცნობილი საჯარო ფიგურა, სექსუალურ შევიწროვებაში მართლა დაადანაშაულეს.
თითქმის არავის სჯეროდა, რომ ქალები ამ ბრძოლაში გამარჯვებას შეძლებდნენ. მაგრამ, საკმარისი რწმენისა და მონდომების შემთხვევაში, შეუძლებელიც რეალობად იქცევა.
- მარგო რობიმ კაილას როლის სათამაშოდ ტვიტერის ანგარიში შექმნა
მარგო რობი გულმოდგინედ ემზადებოდა კაილას როლის შესასრულებლად.
მან ბევრი იმუშავა ფლორიდულ აქცენტზე. მასწავლებელი აიყვანა კაილას ემოციური ტრანსფორმაციების გასათავისებლად, მოძრაობების დასახვეწად კი ცალკე მასწავლებელი ჰყავდა.
თუმცა, ეს ყველაფერი არ არის.
მან შეისწავლა ფოქსის ყველა პროგრამა, რომელიც მის პერსონაჟს უნდა ჰქონოდა ნანახი.
რობიმ სპეციალურად როლის შესასრულებლად შექმნა ასევე ტვიტერის ანგარიში, რათა კარგად შეესწავლა და შეეცნო მილენიალი კონსერვატორი ქალის ქცევები, განსაკუთრებით, სოციალურ ქსელებში.
მარგო რობი კაილა პოსპისილის როლში
- ფილმის შემქმნელებმა აკრძალული ინფორმაცია მოიპოვეს
რეჟისორმა ჯეი როუჩმა და სცენარისტმა ჩარლზ რენდოლფმა ფილმი სანახევროდ ფაქტების გამოყენებით შემქნეს, თუმცა რეალური ფაქტების პარალელურად მათ სრულად გამოგონილი პერსონაჟები და სცენებიც გამოიყენეს.
ზოგიერთი სცენა და დიალოგი კი რეალურ ფაქტებსა და გამონაგონს შორისაა.
მარგო რობის პერსონაჟი, კაილა, გამოგონილი პერსონაჟია, თუმცა, მისი ამბავი ფოქს ნიუსის რამდენიმე თანამშრომლის მონათხრობს ეყრდნობა.
საქმე იმაშია, რომ ამ თანამშრომლებს ხელი ჰქონდათ მოწერილი გაუმჟავნებლობის შესახებ ხელშეკრულებაზე.
ფილმის შემქმნელებისთვის დეტალების გამხელით კი მათ ხელშეკრულების პირობები დაარღვიეს.
- ნიკოლ კიდმანმა „სენსაციისთვის“ ჯილდო ვერ აიღო
მიუხედავად იმისა, რომ ნიკოლ კიდმანი ხუთჯერ იყო წარდგენილი მეორეხარისხოვანი როლის შესრულებისთვის, მან ვერც ერთი ჯილდო ვერ აიღო.
მარგო რობი კი ორჯერ დაჯილდოვდა: AACTA International Awards 2020 და Las Vegas Film Critics Society Awards 2019.
