ნატალი პორტმანი მესამე შვილის დედა გახდა. 45 წლის მსახიობს ბავშვი აგვისტოში, პარიზში შეეძინა. ახალშობილის სახელი და სქესი ჯერჯერობით ოფიციალურად არ გასაჯაროებულა.
ნატალი პორტმანის ორსულობის შესახებ საზოგადოებისთვის ცნობილი 2026 წლის აპრილში გახდა. მაშინ მსახიობმა Harper’s Bazaar-თან ინტერვიუში დედობის ახალ ეტაპზე ისაუბრა და აღნიშნა, რომ მესამე შვილის მოლოდინი მისთვის განსაკუთრებული პერიოდი იყო.
აღსანიშნავია, რომ ეს პორტმანის პირველი საერთო შვილია ფრანგ მუსიკოს და პროდიუსერ ტანგი დესტაბლთან.
დესტაბლი პროფესიულად TEPR-ის სახელით არის ცნობილი. ის ელექტრონული მუსიკის მიმართულებით მუშაობს და სხვადასხვა ცნობილ არტისტთან თანამშრომლობს. დესტაბლისა და პორტმანის ურთიერთობის შესახებ ინფორმაცია პირველად 2025 წლის მარტში გავრცელდა.
წყვილი პირად ცხოვრებას მაქსიმალურად უფრთხილდება და ურთიერთობის შესახებ დეტალებს იშვიათად ასაჯაროებს.
ნატალი პორტმანი მანამდე ბენჯამინ მილპიეზე იყო დაქორწინებული. ისინი 2009 წელს, „შავი გედის“ გადაღებების დროს შეხვდნენ. მილპიე ფილმის ქორეოგრაფი იყო, პორტმანი კი მთავარ როლს ასრულებდა. წყვილი 2012 წელს დაქორწინდა.
11-წლიანი ქორწინების განმავლობაში მათ ორი შვილი შეეძინათ.
პორტმანისა და მილპიეს დაშორებას წინ უძღოდა ცნობები ქორეოგრაფის სავარაუდო ღალატის შესახებ. ფრანგულმა მედიამ გაავრცელა ინფორმაცია, რომ მილპიეს სხვა ქალთან ჰქონდა ურთიერთობა. მოგვიანებით PEOPLE-ის წყარომ დაადასტურა, რომ ეს ფაქტორი წყვილის დაშორების ერთ-ერთი მიზეზი გახდა. ამავე წყაროს ცნობით, მილპიე პორტმანის ნდობის აღდგენას და ქორწინების შენარჩუნებას ცდილობდა.
მსახიობმა განქორწინებაზე განაცხადი 2023 წლის ივლისში შეიტანა, ხოლო პროცესი 2024 წლის მარტში დასრულდა.
თავად პორტმანს ქორწინების დასრულების მიზეზებზე დეტალურად არასდროს უსაუბრია და გავრცელებული ღალატის შესახებ ცნობები საჯაროდ არ დაუდასტურებია.
ასევე დაგაინტერესებთ:
#OK! ნატალი პორტმანის თვალისმომჭრელი გამოჩენა ლონდონში Thor: Love And Thunder-ის პრემიერაზე
