პაციენტები ორთოდონტიულ მკურნალობას ხშირად ვიზუალური ცვლილებების სურვილით იწყებენ, თუმცა კბილების სწორი განლაგება მნიშვნელოვანია არა მხოლოდ ესთეტიკური ღიმილისთვის, არამედ პირის ღრუს ჯანმრთელობისთვისაც.
არასწორი თანკბილვა ართულებს ჰიგიენის დაცვას, ზრდის კარიესისა და ღრძილების პრობლემების განვითარების რისკს და შესაძლოა, გავლენა მოახდინოს ღეჭვისა თუ მეტყველების ფუნქციაზეც. სწორედ ამიტომ, თუ გაქვთ თანკბილვის პრობლემები, მაგრამ ვიზუალური ცვლილებები არ გსურთ, მაინც გირჩევთ, ორთოდონტს მიმართოთ. ამ გზით შეძლებთ მრავალი სტომატოლოგიური პრობლემისა და დისკომფორტის თავიდან აცილებას.
თანკბილვის გამოსწორების ერთ-ერთი საუკეთესო გზა ბრეკეტების ჩასმაა. ბრეკეტები ორთოდონტიული კონსტრუქციაა, რომელიც ყველა სირთულეს უმკლავდება. დღეს ხელმისაწვდომია სხვადასხვა ტიპის ბრეკეტსისტემა. მათ შორისაა მეტალის ლიგატურიანი ბრეკეტები და საფირის ბრეკეტები. აგრეთვე, ფართოდ გამოიყენება თვითლიგირებადი სისტემებიც. კონკრეტული კონსტრუქცია ყოველთვის შეირჩევა ინდივიდუალურად, დიაგნოსტიკისა და ორთოდონტის რეკომენდაციის საფუძველზე.
გაითვალისწინეთ, რომ კბილების გასწორება ხანგრძლივი პროცესია და მოითხოვს როგორც ხარისხიან ორთოდონტიულ კონსტრუქციებს, ისე ექიმის პროფესიონალიზმსა და გამოცდილებას. სწორ მკურნალობასა და პროცესის სწორად მართვაზე დამოკიდებულია, ერთი მხრივ, ის, თუ როგორი იქნება საბოლოო შედეგი და, მეორე მხრივ, რამდენად მარტივად და გართულებების გარეშე მიაღწევთ დასახულ მიზანს.
მკურნალობის სწორად წარმართვისთვის აუცილებელია ზუსტი დიაგნოსტიკა. საჭიროა პაციენტის პირის ღრუს ანატომიური თავისებურებების მაქსიმალურად დეტალურად შესწავლა და არსებული პრობლემის სირთულის განსაზღვრა. ყველა აუცილებელ ფაქტორთა გათვალისწინებით კი საბოლოოდ უნდა შედგეს მკურნალობის ინდივიდუალური გეგმა. აღსანიშნავია, რომ ბრეკეტსისტემის ფიქსაციამდე შესაძლოა, საჭირო გახდეს პირის ღრუს მოწესრიგება, მაგალითად, კარიესის არსებობის შემთხვევაში მისი მკურნალობა, კბილების გაწმენდა ნადებისა და ქვებისგან, სიბრძნის კბილის ექსტრაქცია და ა.შ. ბრეკეტებით მკურნალობის დასრულების შემდეგ კი ინიშნება რეტეინერი, რომელიც ასევე ორთოდონტიული კონსტრუქციაა და მიღებული შედეგის, ანუ კბილების ახალი პოზიციის, შენარჩუნებასა და სტაბილურობას უზრუნველყოფს.
ბრეკეტებით მკურნალობის პერიოდში განსაკუთრებული ყურადღება უნდა მიექცეს პირის ღრუს ჰიგიენას. სპეციალური ჯაგრისებისა და კბილის ძაფის გამოყენება ხელს უწყობს ნადების ეფექტიან მოცილებას და ამცირებს გართულებების განვითარების რისკს. მიუხედავად ჰიგიენური ნორმების სათანადოდ დაცვისა, შესაძლოა, კონსტრუქციის გამო, გარკვეული სივრცეების სრულფასოვნად გაწმენდა მაინც ვერ მოხერხდეს და დროთა განმავლობაში კბილმა ფერი შეიცვალოს ან არათანაბარი შეფერილობა მიიღოს. თუმცა ამ პრობლემის მოგვარება დღეს საკმაოდ მარტივია და ამისათვის ხშირად მიმართავენ კბილის გათეთრებას.
თუ გსურთ სრულფასოვანი ორთოდონტიული მკურნალობა, თანამედროვე სადიაგნოსტიკო და სამკურნალო საშუალებებითა და, რაც მთავარია, პროფესიონალებისა და გამოცდილი ექიმების მეთვალყურეობით, გირჩევთ, მიმართოთ სტომატოლოგიურ კლინიკა „პრიმეროს“. ვიზიტის დასაჯავშნად დარეკეთ ნომრებზე +995 597 268 787 / +995 596 268 787.
