მსოფლიოს უმდიდრესი ადამიანის, ილონ მასკის 21 წლის ტრანსგენდერი ქალიშვილი, ვივიენ უილსონი (ადრე ქსავიე ალექსანდრე მასკი) Ottolinger-ის ახალი კოლექციის ჩვენებაზე გამოჩნდა.
ვივიენი პოდიუმზე ორჯერ გამოვიდა – ყავისფერ, ნახევრად გამჭვირვალე ორეულსა და ელეგანტურ შავ კაბაში.
სექტემბერში, ნიუ-იორკის მოდის კვირეულზე უილსონის, როგორც მოდელის დებიუტი შედგა და მან სამ ჩვენებაში მიიღო მონაწილეობა.
ვივიენ უილსონი Tesla-სა და SpaceX-ის დამფუძნებლის, ილონ მასკისა და მისი ყოფილი მეუღლის, ჯასტინ უილსონის ოჯახში ტყუპ ძმასთან ერთად დაიბადა. წყვილი რვაწლიანი ქორწინების შემდეგ, 2008 წელს დაშორდა.
მამის წინააღმდეგობი მიუხედავად, 2022 წელს ვივიენმა კამინგ-აუტი გააკეთა და ტრანსგენდერი გახდა. დედამ მის გადაწყვეტილებას მხარი დაუჭირა, მილიარდერმა მამამ კი, რომელსაც ვივიენის გარდა, 12 შვილი ჰყავს, თავის ვაჟს „მკვდარი“ უწოდა და მომხდარში ექიმები და ვოუქიზმის იდეოლოგია დაადანაშაულა.
„მე შვილი დავკარგე, ჩემი ვაჟი, ქსავიე მკვდარია, ის მოკლეს,“ – განაცხადა მასკმა.
ვივიენ უილსონმა ცოტა ხნის წინ შეერთებული შტატებიდან წასვლის განძრახვაზე მიანიშნა, რადგან ის პრეზიდენტ დონალდ ტრამპის პოლიტიკას მხარს არ უჭერს.
ასევე დაგაინტერესებთ
#OK! ილონ მასკი დარჩენილი სიცოცხლის გატარებას და სიკვდილს მარსზე გეგმავს
