საფრანგეთის პოლიციამ ილონ მასკის სოციალური მედიის ქსელ X-ის ოფისებში ჩხრეკა ჩაატარა და ილონ მასკი დაკითხვაზე დაიბარა. გამოძიება X-ის მიერ ალგორითმის სავარაუდო ბოროტად გამოყენებას, მონაცემთა თაღლითურად მოპოვებას და ბავშვთა პორნოგრაფიის გავრცელებაში შესაძლო თანამონაწილეობას ეხება.
პარიზის პროკურატურის განცხადებით, ჩხრეკა 2025 წლის იანვარში დაწყებული გამოძიების ფარგლებში ჩატარდა, თუმცა, განცხადებაში პარიზის პროკურატურამ აღნიშნა, რომ ხელოვნური ინტელექტის ჩატბოტ Grok-ის შესახებ საჩივრების შემდეგ, რომელიც X პლატფორმაზე მუშაობს, გამოძიებას აფართოებს.
გამოძიება ასევე შეისწავლის ბავშვთა პორნოგრაფიული სურათების შენახვასა და გავრცელებაში შესაძლო თანამონაწილეობას, ასევე სექსუალური ხასიათის ფეიქების შექმნით სახის გამოსახულების უფლებების დარღვევას, სხვა შესაძლო დანაშაულებთან ერთად.
ილონ მასკი და X-ის ყოფილი აღმასრულებელი დირექტორი ლინდა იაკარინო 20 აპრილს მოსმენაზე დაიბარეს. X-ის სხვა თანამშრომლები მოწმეების სახით დაიკითხებიან.
ივლისში მასკმა თავდაპირველი ბრალდებები უარყო და განაცხადა, რომ ფრანგმა პროკურორებმა „პოლიტიკურად მოტივირებული სისხლის სამართლის გამოძიება“ დაიწყეს.
ასევე დაგაინტერესებთ
#OK! ილონ მასკი ისტორიაში პირველი ადამიანია, რომლის ქონება 600 მილიარდ დოლარს შეადგენს
