ოდრი ჰეპბერნის Bulgari-ს გულსაბნევი პარიზში, Sotheby’s-ის აუქციონზე 450 000 დოლარად გაიყიდა, რაც მოსალოდნელ თანხას თითქმის ექვსჯერ აღემატება – ინფორმაციას WWD ავრცელებს.
Посмотреть эту публикацию в Instagram
ოსკარის მფლობელი ბრიტანელი მსახიობის გულსაბნევის გარდა, აუქციონზე გაყიდულ ლოტებს შორის ჟან შლუმბერჟეს მიერ Tiffany & Co- თვის შექმნილი რამდენიმე სამკაული, პოლ გიიოს ბრილიანტის გულსაბნევი, რომელიც ადრე ელიზაბეტ ტეილორს ეკუთვნოდა, Balenciaga-ს 1962 წლის პალტო და Christian Dior-ის ფეხსაცმელი მოხვდა. აუქციონის მთლიანმა შემოსავალმა 2 მილიონ დოლარს გადააჭარბა.
აუქციონს, რომელზეც დორის ბრინერის პირადი კოლექციის ნაწილი გაიყიდა, ორგანიზება მისმა ქალიშვილმა გაუკეთა. მსახიობ იულ ბრინერის ქვრივი, დორის ბრინერი, ოდრის ჰეპბერნისა და ელიზაბეთ ტეილორის ახლო მეგობარი იყო და მათი გარდაცვალების შემდეგ ზოგი პირადი ნივთი მემკვიდრეობით ერგო. მრავალი წლის განმავლობაში ის Dior-ის სახლის ნივთებისა და საჩუქრების განყოფილებას ხელმძღვანელობდა. ბრინერი ასევე მოდელად მუშაობდა ჯერ პიერ კარდენისთვის, შემდეგ კი ვალენტინოსთვის.
Sotheby’s-ის აუქციონი 1744 წლის 11 მარტს, ლონდონში, წიგნების გამყიდველმა სამუელ ბეიკერმა დააარსა. კომპანიის სახელწოდება სამუელ ბეიკერის ძმისშვილის, ჯონ სოთბის გვარიდან მომდინარეობს. მოგვიანებით Sotheby’s ანტიკვარიატით ვაჭრობის საერთაშორისო ცენტრად გადაიქცა. გარდა ამისა, აუქციონი ძვირადღირებული სახლებითაც ვაჭრობს. 1990 წელს Sotheby’s-ის კაპიტალბრუნვამ 2,5 მილიარდი დოლარი შეადგინა.
ასევე დაგაინტერესებთ
