კიმ კარდაშიანს კუნთმაგარი სპორტსმენები ყოველთვის მოსწონდა. ამერიკელი მსახიობი და მოდელი ოდესღაც „რეალის“ ნახევარმცველის, ჯუდ ბელინგჰემის და NBA-ს მოთამაშის ლუკა დონჩიჩის მიმართ თავის სიმპათიებს ღიად გამოხატავდა, ახლა კი ცნობილ ბრიტანელ მრბოლელ ლუის ჰემილტონს ხვდება.
რა არის ცნობილი კარდაშიანისა და ჰამილტონის რომანის შესახებ?
კარდაშიანის ახალი შეყვარებული მასზე ოთხი წლით უმცროსია. „The Sun“-ის ცნობით, კიმი ლოს-ანჯელესიდან ულამაზეს კოტსუოლდსში პირადი თვითმფრინავით გაფრინდა და შაბათ-კვირა სპორტსმენთან ერთად სასტუმრო „ესტელ მენორში“ გაატარა.
კიმი ოქსფორდის აეროპორტში 31 იანვრის შუადღისას შენიშნეს. მას ორი ჯიპი ელოდა, რომლებმაც ვარსკვლავი შეხვედრის ადგილზე ცხრა წუთში მიიყვანეს, ჰამილტონი კი სასტუმროში ლონდონიდან ერთი საათის შემდეგ, ვერტმფრენით ჩაფრინდა.
„ყველაფერი ძალიან რომანტიკულად ჩანდა. კიმს თან ორი მცველი ახლდა, ლუისს კი პირადი დაცვა, მაგრამ ისინი თითქმის არ ჩანდნენ“ – აღნიშნა თვითმხილველმა.
ინსაიდერთა ცნობით, პაემანი წყვილის მასაჟსა და ცალკე ოთახში, რომანტიკულ ვახშამს მოიცავდა. სასტუმროში ცხოვრება, სპა და სხვა სიამოვნებები წყვილს 120 000 ფუნტი სტერლინგი დაუჯდა. შოუბიზნესის ვარსკვლავმა და ფორმულა 1-ის მრბოლელმა სასტუმრო 1 თებერვალს, დაახლოებით დილის 11 საათზე დატოვეს. ლუისმა შენობა წინა კარიდან დატოვა, კიმი კი გვერდითა გასასვლელიდან გაიყვანეს. თვითმხილველებმა შენიშნეს, როგორ გაჰქონდათ მოდელის თანაშემწეებს ბარგი, რომელზეც ვარსკვლავის სახელი ეწერა.
კარდაშიანი შეყვარებულთან შეხვედრისთვის საფუძვლიანად მოემზადა და რვა ჩემოდანი გაამზადა. სპორტსმენმა და მოდელმა სასტუმროს ტერიტორია ერთდროულად დატოვეს. The Sun -ის ცნობით, კიმი იმ საღამოს ლონდონში, Selfridge’s-ის მაღაზიაში შენიშნეს, რაც მის ინგლისში ყოფნას ადასტურებს.
ნაცნობობის ისტორია
კარდაშიანი და ჰამილტონი ერთმანეთს 10 წელზე მეტია იცნობენ. 2014 წელს ისინი ლონდონში GQ Men of the Year Awards GQ-ის დაჯილდოებაზე ერთად გადაიღეს, თუმცა, იმ დროს კიმი დაქორწინებული იყო რეპერ კანიე უესტზე, ხოლო ჰამილტონი მომღერალ ნიკოლ შერზინგერს ხვდებოდა.
ჰამილტონი კარდაშიანის ქმართან მეგობრობდა. 2015 წელს რეპერმა მრბოლელი აღდგომის ოჯახთან ერთად გასატარებლად მიიწვია. ისინი ასევე ერთად ნახეს გლასტონბერის ფესტივალის VIP განყოფილებაში, სადაც უესტი ჰედლაინერი იყო. იმ დროს კიმი და ლუისი მეგობრები იყვნენ და რომანტიკულ ურთიერთობაზე არც კი ფიქრობდნენ, თუმცა, 10 წლის შემდეგ ყველაფერი შეიცვალა..
ცოტამ თუ იცის ეს, რომ ლუისი კიმის უმცროსი დის, კენდალ ჯენერის ახლო მეგობარია. 2021 წელს, როდესაც მოდელი კანიე უესტს დაშორდა, ფორმულა 1-ის მრბოლელი Wall Street Journal Innovator Awards-ის დაჯილდოების ცერემონიაზე მის გვერდით იჯდა. წყვილი ბოლოს ერთად დეკემბერში, კეით ჰადსონის ახალი წლის წვეულებაზე ნახეს.
როგორც ზემოთ აღვნიშნეთ, ჰამილტონი და კარდაშიანი ერთმანეთს დიდი ხანია, იცნობენ. ისინი სოციალურ და სპორტულ ღონისძიებებზე ადრეც ხშირად ჩნდებოდნენ, თუმცა მათი სასიყვარულო ურთიერთობის შესახებ ჭორები არასდროს გავრცელებულა – მაშინ კიმი დაქორწინებული იყო, ამჟამად კი მარტოხელა და ჩიტივით თავისუფალია.
ცნობილია, რომ ლუის ჰემილტონი აქტიურად უჭერს მხარს რასიზმის წინააღმდეგ ბრძოლას და მოტოსპორტში მრავალფეროვნების გაზრდას. 2013 დან 2021 წლამდე ის ფორმულა ერთის ყველაზე მაღალანაზღაურებადი პილოტი იყო. ჟურნალ „ფორბსის“ მონაცემებით ის 2010-იანი წლების ერთ-ერთი ყველაზე მაღალანაზღაურებადი სპორტსმენი იყო. 2020 წელს ჟურნალმა „თაიმმა“ ჰამილტონი მსოფლიოს 100 ყველაზე გავლენიანი ადამიანის სიაში შეყვანა. 2020 წელს ის რაინდად აკურთხეს. 2022 წელს ჰამილტონს ბრაზილიის საპატიო მოქალაქეობა მიენიჭა.
ასევე დაგაინტერესებთ
