„ნუ დაბერდები, რადგან ასაკის მატება ცოდვაა. თქვენ გაგაკრიტიკებენ, ცილს დაგწამებენ და რა თქმა უნდა, საკუთარ ხმას რადიოშიც ვერ გაიგებთ“.
სწორედ ასე მოხდა “გრემის” 2023 წლის დაჯილდოებაზე, როდესაც მადონას სცენაზე გამოსვლა მისი გულშემსტკივრებისთვისაც კი მოულოდნელი აღმოჩნდა. პლასტიკური ჩარევებისა და კოსმეტიკური პროცედურების შემდეგ პოპვარსკვლავის იმიჯი იმდენად რადიკალურად არის შეცვლილი, რომ მისი შემჩნევა ძალიან მარტივია.
სოციალურ მედიაში გავრცელებულ უარყოფით კომენტარებს და კრიტიკას მადონამ შემდეგნაირად უპასუხა: “მე ვარ ეიჯიზმისა და მიზოგინიის, ქალთმოძულეობის მსხვერპლი”.
წლევანდელ გრემის სანამ განვიხილავდეთ, მსგავსი შემთხვევა მადონას ცხოვრებაში არაერთხელ ყოფილა, 2018 წელს მადონამ The Cut-თან საუბრისას აღნიშნა, რომ ის დისკრიმინაციის მსხვერპლია და არასდროს შეწყვეტს იმ სოციალურ ნორმებზე საუბარს, რომელიც ასაკოვან ქალებს კონკრეტული ქცევებისკენ მოუწოდებს:
„არ ვფიქრობ, რომ ასაკს ვებრძვი, უბრალოდ ვაგრძელებ ცხოვრებას. არასდროს ვყოფილვარ კომფორტულად, მაგრამ არაკომფორტული სიტუაციისგან თავის დაღწევას ვცდილობ და ვრისკავ. თუ ყოველთვის იქნები სიახლის ძიებაში, მაშინ სამუდამოდ ახალგაზრდად დარჩები“.
„ჩვენ გვჭირდება მისაბაძი ადამიანები. ხალხს ეშინია იმის, რაც უცნობი და უცხოა მათთვის. ამჟამად ქალებს სხვა ადგილი უჭირავთ სამყაროში. ჩვენ გვაქვს უფრო მეტი სამუშაო ადგილი და გამუდმებით ვიბრძვით გენდერული თანასწორობისთვის. ჩვენ არ უნდა ვიმუშაოთ მხოლოდ კარიერაზე, არამედ საკუთარ თავზეც. უნდა იყო ცნობისმოყვარე, ყოველთვის უნდა ეცადო თავი იგრძნო კარგად − იქნება ეს ვარჯიში, სახის კანის მოვლა, სიამოვნება თუ გართობა. საკუთარი თავის სიყვარულისთვის წესები არ არსებობს“.
