პროდიუსერმა და Bravo Record-ის დამფუძვნებელმა ზაზა შენგელიამ ნუცა ბუზალაძის American Idol-ის თავგადასავალზე ისაუბრა და შემდეგი სახის ტექსტი გამოაქვეყნა:
„ნუცამ, თინა თერნერის და ბიონსეს ”Proud Mary”-ის ბრწყინვალე შესრულებით გადალახა ბოლო საკონკურსო ტური. მთლიანობაში, მან არაჩვეულებრივი სლალომით გაიარა ყველანაირი შესარჩევი ეტაპი, არაერთხელ ფეხზე დააყენა ჟიურის სამივე წევრი (მათ შორის პირადად ჩემი ინტერესი კონცენტრირებულია ლეგენდარული ლაიონელ რიჩის შეფასებებზე და რეაქციებზე), თავისი ვოკალით და შესრულების მანერით, მსუბუქ (ჯერჯერობით) შოკში ჩააგდო მრავალმილიონიანი ამერიკული ტელეაუდიტორია… ეს ბუნებრივიცაა, რადგან 24 ფინალისტს შორის, ის ერთადერთი უცხოელია და მასზე ყურადღება ამის გამო გაათმაგებულია.
მან ასევე ისაუბრა შემდეგ ეტაპზე, რომელიც ლაივ ტურებს მოიცავს, სადაც ხალხის ჩართულობა და აქტიურობა ძალიან მნიშვნელოვანია. შემდეგი კვირიდან ჰავაის გამოსვლის შემდეგ, ახალი ეტაპი იწყება ონლაინ ხმის მიცემა, სადაც ყოველდღიურად შევძლებთ საათში ერთხელ დავუჭიროთ მხარი ჩვენს რჩეულს!
„წინ ლაივ ტურებია, სადაც გადამწყვეტი მნიშვნელობა ენიჭება ტელემაყურებელთა სმს გზავნილებს, სადაც იმედია ქართული დიასპორა არ დაიზარებს და გამოხატავს თავის ღირსეულ მხარდაჭერას ნუცას მიმართ. ვიმეორებ იმას, რაც ადრე დავწერე: ეს კონკურსი უკიდურესად სუბიექტურია თავისი ბუნებით და აქედან გამომდინარე ჟიურის და მაყურებლების მხრიდან დამოკიდებულებას და მხარდაჭერას უზარმაზარი მნიშვნელობა ენიჭება .“
ზაზამ ასევე ისაუბრა ნუცას ჩაცმულობაზე და მადლობა გადაუხადა ქართველ დიზაინერებს, რომლებიც ზრუნავენ იმაზე რომ მისი გამოსვლა უფრო სანახაობრივი იყოს:
„კიდევ ერთი მნიშვნელოვანი და პოზიტიური დეტალი: ნუცას ყოველ ტურზე საინტერესოდ და რაც მთავარია გემოვნებით აცმევენ ქართველი დიზაინერები, რაც ძალიან სასიხარულოა, ეს მათთვისაც უნიკალური და რეალური შანსია, პოზიტიურად გაიტანონ თავიანთი თავი ამერიკულ ბაზარზეძალიან მიყვარხარ, You Go Girl“
იხილეთ ნუცა ბუზალაძის ბოლო შესრულება:
View this post on Instagram
