მილანის მოდის კვირეულზე ქართული მოდის ინდუსტრიისთვის კიდევ ერთი გამორჩეული მომენტი შედგა – The Attico-ს ჩვენებაზე ორი ქართველი მოდელი, მატილდა გვარლიანი და ნასტასია ლეგრან-ბაბლუანი ვიხილეთ.
მათ იტალიური მოდის სახლის 2027 წლის გაზაფხული-ზაფხულის კოლექცია წარადგინეს. The Attico-ს ჩვენება მილანის მოდის კვირეულის ფარგლებში 25 სექტემბერს გაიმართა და ბრენდისთვის განსაკუთრებული მნიშვნელობა ჰქონდა – ის დაარსებიდან მეათე წლისთავს აღნიშნავს.
ქართველი მოდელებისთვის ეს მილანის მოდის კვირეულზე მიმდინარე აქტიური სეზონის კიდევ ერთი მნიშვნელოვანი ეტაპია. მატილდა გვარლიანი მიმდინარე სეზონზე უკვე გამოჩნდა Vogue World-ის, Alberta Ferretti-სა და The Attico-ს ჩვენებებზე, ნასტასია ლეგრან-ბაბლუანმა კი იტალიის მოდის კვირეულზე რამდენიმე ცნობილ ბრენდთან ითანამშრომლა.
მატილდა გვარლიანი
მატილდა გვარლიანმა მოდელობა Look Models Management-ში 14 წლის ასაკში დაიწყო. თანამშრომლობს ისეთ სააგენტოებთან, როგორებიცაა: Next Model Management (მილანი); Uno Models (მადრიდი, ბარსელონა); Munich Models (მიუნხენი) და Elite Copenhagen (კოპენჰაგენი).
მატილდამ მონაწილეობა მიიღო Pull & Bear 2020 წლის შემოდგომა/ზამთრის კოლექციის სარეკლამო კამპანიაში. მოგვიანებით იგი გამოჩნდა იტალიური Vogue-ის სარეკლამო კამპანიაში.
მოდელის დებიუტი Haute Couture-ზე Dolce & Gabbana-ს 2020 წლის გაზაფხული/ზაფხულის კოლექციის ჩვენებაზე შედგა. ის ასევე GCDS 2020 წლის გაზაფხული-ზაფხულის შოუზე გამოვიდა. 2020 წელს უკრაინული Marie Claire-ის აპრილის ნომრის გარეკანზე ვიხილეთ.
მოგვიანებით მატილდა Fendi-ის ერთ-ერთი სახე გახდა. ის გადაღებულია Fendi-ის ახალი 2020 წლის გაზაფხული-ზაფხულის ხაზის, Icons-ის სარეკლამო კამპანიისთვის. 2020 წლის ბოლოს მატილდა გახდა Valentino-ს ახალგაზრდული ხაზის, REDValentino-ს სახე. იგი ასევე თანამშრომლობდა ისეთ ცნობილ ბრენდებთან, როგორებიცაა, Parfois, Diesel და Roberto Cavalli.
ბოლო დროს მატილდა გულშემატკივრებს სულ უფრო ხშირად ახარებს ცნობილ ბრენდებსა და მოდის სახლებთან თუ გავლენიან გამოცემებთან თანამშრომლობით.
ნასტასია ლეგრანი
ნასტასია ბაბლუანების ოჯახის მესამე თაობის წარმომადგენელი, კინორეჟისორისა და მწერლის, ბევრისათვის საყვარელი რომანის „მზე, მთვარე და პურის ყანა“-ს ავტორის, თემურ ბაბლუანის შვილიშვილი და ჟურნალისტის, ოლგა ბაბლუანის ქალიშვილია. მან სამოდელო კარიერა Women Management Paris-ში დაიწყო, დღეს კი ცნობილ სააგენტოსთან – Women Management Milan-თან თანამშრომლობს.
ნასტასია საფრანგეთში გაიზარდა, ის დღემდე იქ ცხოვრობს და სწავლობს, თუმცა ხშირად სტუმრობს საქართველოს დედასთან და დასთან ერთად. ეს შეიძლება ითქვას, რომ დედის დამსახურებაა, რადგან ოლგა ბაბლუანი არაერთ ინტერვიუში აღნიშნავს, რომ სურს მის შვილებს საქართველოსთან მჭიდრო კავშირი ჰქონდეთ.
გარდა სამოდელო კარიერისა, ნასტასია მსახიობობითაც არის დაინტერესებული. მან 2012 წელს მოკლემეტრაჟიან ფილმში „What Can I Wish You Before The Fight?“, სადაც ელისის როლი მოირგო.
ასევე დაგაინტერესებთ:
#OK! ვინ არის გოგონა, რომელსაც „მატილდა გვარლიანის ორეული“ შეარქვეს?
#OK! მატილდა გვარლიანი და Victoria’s Secret-ის ლეგენდარული ანგელოზები
