შორენა სვიანაძე ცნობილი სახელია ქორწილებისა და ივენთების დიზაინის სფეროში. საუკეთესო რეპუტაცია, წლების განმავლობაში დაგროვილი გამოცდილება, უდიდესი პასუხისმგებლობა, მაღალი ხარისხით შესრულებული დაკვეთა და ყვავილებისადმი უზომო სიყვარული არის ყოველი მომხმარებლის კმაყოფილებისა და ბედნიერების მიზეზი. მასთან შეკვეთისას ყოველგვარი შფოთვა გავიწყდება და მშვიდად ელოდები შენი სადღესასწაულო, ლამაზი დღის მოახლოებას.
შორენა სვიანაძე: ბედნიერი მომხმარებელი ყველაზე დიდი სტიმულია ჩემთვის ცხოვრებაში. როდესაც მადლობებს ვიღებ, ვფიქრობ, სიცოცხლის წლები მემატება, თითქოს ფრთები მესხმება და მგონია, მიწას არც ვაბიჯებ ფეხს. დაღლილობას საერთოდ ვერ ვგრძნობ. მაბედნიერებს ჩემი საქმიანობა. ჩემთვის ძალიან მნიშვნელოვანია მოვიპოვო გემოვნებიანი, კრეატიული, გულიანი და მომხმარებლის სურვილების ასრულებაზე ორიენტირებული დეკორატორ-დიზაინერის საუკეთესო სახელი. მინდა ყოველი მომხმარებლიდან კმაყოფილების განცდა მოდიოდეს. ყოველწლიურად ვვითარდები. მუდმივად ვიღებ განათლებას ჩემს სფეროში. პროფესიით ეკონომიკის მაგისტრმა, 5 თვის ფეხმძიმემ, ჰობი ვაქციე საქმედ და 25 წლის წინ დავაარსე ყვავილების მაღაზია. დღეს ჩემი პატარა ვარსკვლავბიჭუნა 24 წლისაა. მას მოჰყვა გამოზრდილი მოსწავლეები და მაღაზიის ფილიალები. შემდეგი ნაბიჯი კი 20 წლის წინ დაწყებული
ქორწილების გაფორმებები იყო. პირველი გაფორმებული ქორწილიდან 26 წყვილი დამიკავშირდა მათი ოცნების ქორწილის გასაფორმებლად. შემდეგ იყო ცნობილი გერმანელი ფლორისტის, გრეგორი ლეშის სემინარების სერტიფიკატი – Floral desing Wedding Events. სახელმწიფო დიპლომი ეზოს ლანდშაფტის დიზაინის სფეროში. ტრენერების ტრენინგები ტრენერის კვალიფიკაციისთვის. ლიდერ ქალთა საზოგადოების დაჯილდოება 2022 წელს, როგორც სფეროს ლიდერი. ბევრი საქველმოქმედო ღონისძიება.
სამთავრობო ღონისძიებებში მონაწილეობა. ქორწილების ორგანიზატორობა. მწერალთა სახლი,საქართველოს ეროვნული ბიბლიოთეკა. ფილარმონიის, კონსერვატორიის, მარჯანიშვილის თეატრის სცენის გაფორმებები. „შერატონ მეტეხი პალასი“, „ბილტმორი“, „პულმანი“, „აქსის თაუერსი“. 1000-ზე მეტი წარმატებული ღონისძიება. საავტორო ონლაინ კურსის – „როგორ გავხსნათ ყვავილების მაღაზია“ – შექმნა.
ფლორისტიკაში დაწერილმა სადოქტორო დისერტაციამ კი „ყვავილების აკადემიის“ დაარსებამდე მიმიყვანა, სადაც უდიდესი პასუხისმგებლობით გამოვზრდით პროფესიონალ ფლორისტებს და ბევრ კარგ, კეთილ საქმეს ჩავუყრით საფუძველს. სამომავლო გეგმები დიდია. მთავარია, სიყვარულით ვაკეთოთ საქმე.
