Art Lika ტანსაცმლის ხარისხიანი, დახვეწილი და გამორჩეული ქართული ბრენდია, რომელიც მდიდარია ეროვნული ელემენტებით. მისი პროდუქცია გასცდა ქვეყნის საზღვრებს და მივიდა თითოეული ემიგრანტის გულამდე. დეტალური ინფორმაციისთვის OK! გაესაუბრა ბრენდის შემქმნელ ლიკა კაკაჩიას.
გვიამბეთ Art Lika-ს შექმნის შესახებ.
Art Lika − ეს არის ადამიანი, რომელსაც არ უყვარს ბევრი საუბარი თავის თავზე, მაგრამ წლების შემდეგ გადაწყვიტა, მოგიყვეთ საკუთარი თავისა და ბრენდის შესახებ. პროფესიით ვარ მათემატიკოსი, მაგრამ სული ყოველთვის ხელოვნებას ეკუთვნოდა. ვარ თვითნასწავლი დიზაინერი, მუდამ ვგრძნობდი, რომ მათემატიკა და ზუსტი მეცნიერება არ არის ის, რის კეთებასაც მთელ ცხოვრებას მივუძღვნიდი, თუმცა ეს ცოდნა ძალიან გამომადგა ბიზნესის აწყობასა და კონსტრუირებაში. თავიდან, ეს იყო მხოლოდ ჰობი, რომელიც საბოლოოდ, ოჯახურ ბიზნესში გადაიზარდა. მე და ჩემი შვილი − მარიამ ვეკუა, ერთად ვქმნიდით სამოსს. დღემდე ერთად ვიზრდებით და ვვითარდებით.
გვესაუბრეთ პროდუქციის შექმნის პროცესზე.
ყოველდღიური და პრაქტიკული სამოსის შექმნისას, ყოველთვის ვიყენებთ ქართულ ელემენტებს: ორნამენტებს, ხელით ნაქარგებს… დღესდღეობით, დიდი პოპულარობით სარგებლობს ქართული ანბანი! ვიყენებთ ყველაფერს, რაც დაკავშირებულია საქართველოსთან, მის კულტურასა და ისტორიასთან! ჩვენს კოლექციაში ხშირად შეხვდებით აფხაზეთის თემატიკას, რომელიც ჩემი ფესვები და დიდი ტკივილია!
გვესაუბრეთ პანდემიის პირობებში მუშაობასთან დაკავშირებულ სირთულეებზე.
პანდემიის პირველი ტალღის შემდეგ, ძალიან გაგვიჭირდა მუშაობა: გართულდა ამანათების გაგზავნა, საქართველოში ვეღარ ჩამოდიოდნენ ტურისტები. ფაქტობრივად, ვერ ვემსახურებოდით ჩვენს მთავარ სეგმენტს. თუმცა, ჩემი შვილის დახმარებით, ნელ-ნელა გადავერთეთ ქართულ ბაზარზე, ადგილობრივ მომხმარებლებზე, და ყველაფერი გავაკეთეთ იმისთვის, რომ შეგვენარჩუნებინა ბრენდი.
მთავარი ნიშა, რომელიც Art Lika-ს გამოარჩევს…
Art Lika − ეს არის ბრენდი, რომელიც შეიყვარეს ემიგრანტებმა, ტურისტებმა, და რომლებსაც სურთ საქართველოს ნაწილის თან წაღება. ხშირად მიფიქრია: რა არის ჩვენი მიზანი? საერთოდ, რისთვის ვაკეთებთ ამ ყველაფერს? შემდეგ მახსენდება ჩვენი მომხმარებელი ემიგრანტები, რომლებსაც ენატრებათ სამშობლო. მათ გულს უთბობთ იმ სამოსისა და აქსესუარების ტარება, რომელიც ასახავს საქართველოს და ყოველდღიურ ცხოვრებაში აძლევს საშუალებას, იყვნენ მასთან ახლოს. სენტიმენტების გარდა, ამ ყველაფერში, რა თქმა უნდა, უამრავი პოზიტივიც არის! ტურისტები, რომლებიც თავიანთი ქვეყნის მოსახლეობას საქართველოს აცნობენ! და რა თქმა უნდა, ჩვენი ადგილობრივი მოსახლეობა, რომელიც დიდი სიამოვნებით და სიამაყით ატარებს ქართულ ბრენდს, ქართული ელემენტებით, თბილისისა და სხვა ქალაქების ქუჩებში!
FB: Art Lika
inst: Artlika_official
ტელ: 591 92 16 61
