25 წლის ამერიკელი მსახიობისა და “ემის” მფლობელი ყველაზე ახალგაზრდა ვარსკვლავის ზენდეია მარი სტოერმერ კოულმენის პოპულარობა დღითიდღე იზრდება.
მას შემდეგ, რაც 14 წლის ზენდეია პირველად გამოჩნდა ეკრანზე, მსახიობობის პარალელურად წლების განმავლობაში სხვა საქმიანობებითაც კავდებოდა, მან გამოუშვა ალბომი, დაწერა წიგნი, შექმნა ტანსაცმლის საკუთარი ხაზი და მარველის კინემატიკურ სამყაროს შეუერთდა.
მრავალმხრივ ნიჭიერმა ზენდეიამ წლების განმავლობაში დაგროვებული გამოცდილებით მოდის ინდუსტრიაშიც მიაღწია წარმატებას. მან ტანსაცმლის საკუთარი ხაზი Daya by Zendaya შექმნა, 2018 წელს კი ფრანგული ბრენდის Lancome-ის ამბასადორი გახდა.
ახალგაზრდა ვარსკვლავის პოპულარობა დღითიდღე იზრდება, განსაკუთრებით მას შემდეგ, რაც ის გახდა ყველაზე ახალგზარდა მსახიობი, რომელმაც HBO-ს სატელევიზიო სერიალში Euphoria შესრულებული როლისთვის, საუკეთესო მსახიობი ქალის ნომინაციაში პირველი „ემი“ მოიპოვა.
რამდენიმე კვირის წინ ზენდეია გახდა ყველაზე ახალგაზრდა მსახიობი, რომელმაც CFDA-ს “მოდის აიქონის” ჯილდოს მიიღო.
მსახიობის ახალი ფილმის Spider-Man: No Way Home-ის გამოსვლის თარიღი ახლოვდება, შესაბამისად ის არაერთი მაღალი მოდის გამოცემის გარეკანზე ხვდება.
ამჯერად ზენდეია Interview magazine-ის ახალი ნომრის ყდაზეა.
ფოტოგრაფი: Richie Shazam
სტილი” Law Roach
