“ემის” მფლობელი ყველაზე ახალგაზრდა მსახიობი, 24 წლის ამერიკელი ვარსკვლავი ზენდეია სოციალურ ქსელში უახლეს ფოტოს აქვეყნებს, სადაც შემსრულებელს ესპანური ბრენდის Pertegaz-ის მწვანე ბლეიზერი Bulgari-ის სამკაულები შეუხამა.
View this post on Instagram
შეგახსენებთ, რომ ზენდეიამ HBO-ს სატელევიზიო სერიალში Euphoria შესრულებული როლისთვის, საუკეთესო მსახიობი ქალის ნომინაციაში პირველი „ემი“ მოიპოვა და გახდა ყველაზე ახალგზარდა მსახიობი, რომელმაც მსგავი ჯილდო მიიღო.
გზა, რომელიც 24 წლის ამერიკელმა მსახიობმა წარმატების მისაღწევად განვლო – მრავალფეროვანი, შრომატევადი და მოულოდნელობებით სავსეა. მას შემდეგ, რაც 14 წლის ზენდეია პირველად გამოჩნდა ეკრანზე, მსახიობობის პარალელურად წლების განმავლობაში სხვა საქმიანობებითაც კავდებოდა, მან გამოუშვა ალბომი, დაწერა წიგნი, შექმნა ტანსაცმლის საკუთარი ხაზი და მარველის კინემატიკურ სამყაროს შეუერთდა.
მუსიკალურ საქმიანობაში წინსვლის პარალელურად ზენდეიამ მოდის ინდუსტრიაშიც მიაღწია წარმატებას, მან ტანსაცმლის საკუთარი ხაზი Daya by Zendaya შექმნა, 2018 წელს კი ფრანგული ბრენდის Lancome-ის ამბასადორი გახდა.
