“ხალიკ ბანკი” ქართულ საფინანსო ბაზარზე 2008 წლიდან მოღვაწეობს და მომხმარებელს საბანკო მომსახურების სრულ სპექტრს სთავაზობს. როგორია მისი საქმიანობა, რა სიახლეები აქვს ამ ეტაპზე, რა სახის მომსახურებებს მოიცავს და სხვა საინტერესო საკითხებთან დაკავშირებით OK! “ხალიკ ბანკის” მარკეტინგისა და საზოგადოებასთან ურთიერთობის მენეჯერს ნატა ობოლაძეს ესაუბრა.
გვიამბეთ ბანკის ისტორია.
ხალიკ ბანკი საქართველო ყახაზური ხალიკ ჯგუფის წევრია და ქართულ საფინანსო ბაზარზე 2008 წლიდან მოღვაწეობს. თავად ხალიკ ჯგუფი ყაზახეთის უმსხვილესი ფინანსური ჯგუფია, რომელიც 4 ქვეყანაში – საქართველოში, ყაზახეთში, უზბეკეთსა და ყირგიზეთში ოპერირებს. ჩვენ ჰოლდინგში შემავალი ხალიკ ბანკი ყაზახეთის შვილობილი ბანკი ვართ, რომელიც რეგიონში უმსხვილესი – 30 მილიარდ დოლარზე მეტი აქტივების მფლობელი ორგანიზაციაა. აღსანიშნავა, რომ ხალიკ ბანკი ყაზახეთი წელს იუბილარია და ყაზახეთში მოღვაწეობის 100 წელს ითვლის.
მოგვიყევით ხალიკ ბანკი საქართველოს საქმიანობის შესახებ.
ხალიკ ბანკი საქართველო 2023 წელს ქართულ საფინანსო ბაზარზე მოღვაწეობის 15 წელს აღნიშნავს. ბანკი 8 ფილიალით არის წარმოდგენილი და მომხმარებლებს სრულ საბანკო სერვისს სთავაზობს – ვემსახურებით როგორც მცირე და საშუალო ბიზნესს, ასევე საცალო მიმართულებასა და კორპორატიულ სექტორს.
რა სახის მომსახურებებს სთავაზობს ბანკი საზოგადოებას?
მომხმარებლებს შეუძლიათ ისარგებლონ მათზე მორგებული პროდუქტებით – იპოთეკური თუ სამომხმარებლო სესხებით, დეპოზიტებით, ფულადი გზავნილებით და საკრედიტო ბარათებით როგორც ჩვენს ფილიალებში, ასევე დისტანციურ არხებში. ხალიკ ბანკის მობაილ და ინტერნეტ ბანკი მომხმარებელს საშუალებას აძლევს სასურველი ფინანსური ოპერაცია სახლიდან გაუსვლელად უმოკლეს დროში აწარმოოს.
როგორც ვიცით ხალიკ ბანკში ამ ეტაპზე საკრედიტო ბარათების აქციაა. მოგვიყევით ამის შესახებ.
აქციის პირობები ძალიან მიმზიდველია – 31 დეკემბრის ჩათვლით განაცხადის შევსებისა და ლიმიტის დამტკიცების შემთხვევაში მომხმარებელი საჩუქრად 50 ლარს მიიღებს. აღსანიშნავია ისიც, რომ ჩვენს საკრედიტო ბარათს ბაზარზე კონკურენტი არ ჰყავს – გარდა იმისა, რომ საპროცენტო განაკვეთი დაბალია, ყოველ ტრანზაციაზე 2% ქეშბექი ბრუნდება, შესაძლებელია ხალიკ ბანკის ბანკომატებიდან თანხის საკომისიოს გარეშე განაღდება და სამთვიანი საშეღავათო პერიოდით სარგებლობა. თანაც, ბარათს უფასოდ თქვენთვის სასურველ მისამართზე მოგიტანთ!
რატომ უნდა ავირჩიოთ ხალიკ ბანკი?
ხალიკ ბანკი საქართველო, პირველ რიგში, მისი საიმედოობის გამო უნდა აირჩიოთ – ჩვენს გვერდით ყაზახური ჯგუფის სახით უმსხვილესი ფინანსური ინსტიტუტი დგას, რომელსაც მსოფლიოში აღიარებული 3 სარეიტინგო სააგენტოს – Fitch (BBB), S&P (BB+/B) და Moody’s (Ba1) – უმაღლესი რეიტინგი აქვს რეგიონში მინიჭებული და რომლის აქციებიც ლონდონის საფონდო ბირჟაზე 2006 წლიდან ივაჭრება. ასევე, გვაქვს საბანკო მომსახურების სრული სპექტრი და კომფორტული დისტანციური არხები. და რაც ყველაზე მთავარია – ჩვენ ვართ კლიენტების მოთხოვნილებებზე ორიენტირებული და მათ აზროვნებაზე მორგებული ბანკი, რომელიც მუდამ მომხმარებელების გვერდში დგას.
