ამერიკის პირველი ლედები ყოველთვის გამოირჩეოდნენ დახვეწილი სტილითა და ყურადღებით შერჩეული დეტალებით. მათ გარდერობში განსაკუთრებული ადგილი უკავია საათებსაც, რომლებიც აერთიანებს ელეგანტურობას, პრაქტიკულობასა და ინდივიდუალურ გემოვნებას. წარმოგიდგენთ ამერიკის პირველი ლედების რჩეული საათების სიას:
ჟაკლინ კენედის Cartier Tank
ჟაკლინ კენედის Cartier Tank ერთ-ერთი გამორჩეული საათია. საათი ჯეკის 1963 წელს მისმა სიძემ, პრინცმა სტანისლავ „სტას“ რაძივილმა აჩუქა. ოქროს Cartier-ის კორპუსის უკანა მხარეს ამოტვიფრული იყო წარწერა: „Stas to Jackie / 23 Feb. 63 / 2:05 AM to 9:35 PM.“ საათი ეძღვნებოდა 50-მილიან გასეირნებას, რომელიც ოჯახმა პალმ ბიჩში შეასრულა (თუმცა ჯეკიმ და ჯონ კენედიმ მარშრუტი სრულად არ გაიარეს). 2017 წელს ეს საათი აუქციონზე 379,000 აშშ დოლარად გაიყიდა.
ბარბარა ბუშის Chanel Mademoiselle L
ბარბარა ბუში პირველი ლედის (FLOTUS) სტატუსს 1989-1993 წლებში ატარებდა, როცა მისი მეუღლე, ჯორჯ ჰერბერტ უოკერ ბუში, აშშ-ის პრეზიდენტი იყო. მეუღლის პრეზიდენტობის შემდეგ ბარბარა ბუში ატარებდა საკმაოდ საინტერესო საათს. სავარაუდოდ, ეს არის იშვიათი Chanel Mademoiselle L 22 მმ-იანი მოდელი მარგალიტის სამაჯურით. ამ კონკრეტული მოდელის შესახებ ინტერნეტში ძალიან ცოტა ინფორმაცია მოიპოვება, რაც მას კიდევ უფრო საინტერესოს ხდის. არსებული მონაცემებით, საათი 1990-იან წლებშია დამზადებული. ერთ-ერთი იშვიათი ეგზემპლარი, რომელიც ინტერნეტ სივრცეში მოიპოვება 11,000 აშშ დოლარად არის შეფასებული.
ჰილარი კლინტონის Rolex-ის და Chanel-ის საათები
ჰილარი კლინტონმა პოლიტიკური კარიერა პირველი ლედის როლში (და ასევე იურისტად) დაიწყო, თუმცა მოგვიანებით გახდა ნიუ-იორკის სენატორი, აშშ-ის სახელმწიფო მდივანი და პირველი ქალი, რომელიც ამერიკის ერთ-ერთმა წამყვანმა პოლიტიკურმა პარტიამ პრეზიდენტობის კანდიდატად წარადგინა. სახელმწიფო მდივნობის პერიოდში ჰილარი კლინტონი არაერთხელ დაფიქსირდა სხვადასხვა საათით. განსაკუთრებით ხშირად ატარებდა Rolex Ladies Datejust-ის ორ ტონიან მოდელს. მსგავსი მოდელის შეძენა მეორად ბაზარზე დაახლოებით 7,000-დან 9,000 აშშ დოლარამდეა შესაძლებელი. ჰილარი კლინტონი ბარაკ ობამას პრეზიდენტობის პერიოდში, 2009-დან 2013 წლამდე, აშშ-ის სახელმწიფო მდივნის თანამდებობას იკავებდა. ამ პერიოდში ის ხშირად ჩნდებოდა კლასიკური Chanel J12 საათით, თეთრი კერამიკის დიზაინით. ეს მოდელი Chanel-ის ერთ-ერთ ყველაზე გამორჩეულ კლასიკად ითვლება. 33 მმ-იანი კვარცის ვერსიის საცალო ფასი დაახლოებით 5,450 აშშ დოლარია.
ლორა ბუშის საათი
ლორა ბუში არის ამერიკელი მასწავლებელი, ბიბლიოთეკარი და ავტორი, რომელიც 2001-დან 2009 წლამდე პირველი ლედის სტატუსს ატარებდა. მისი საქმიანობა ამ პერიოდში ძირითადად განათლებასა და წიგნიერებაზე იყო ორიენტირებული — მათ შორის, 2001 წელს დააარსა ყოველწლიური National Book Festival. ლორა ბუში ხშირად ატარებდა Christian Bernard Paris-ის საათს.
მიშელ ობამას Cartier Tank
მიშელ ობამა ამერიკელი იურისტია, რომელიც 2009-დან 2017 წლამდე აშშ-ის პირველი ლედი იყო. პრინსტონისა და ჰარვარდის სამართლის სკოლის კურსდამთავრებულმა, კარიერა პრესტიჟულ იურიდიულ ფირმა Sidley Austin-ში დაიწყო, სადაც თავის მომავალ მეუღლეს, ბარაკ ობამას შეხვდა. სხვა პირველი ლედების მსგავსად, მიშელ ობამაც ხშირად გამოჩენილა კლასიკური Cartier Tank Française-ის საათი. მისი ფასი დაახლოებით 3,550 აშშ დოლარია მცირე ზომის ვერსიისთვის, ხოლო 4,150 აშშ დოლარი საშუალო ზომისთვის.
მელანია ტრამპის Vacheron Constantin-ის და Rolex-ის საათები
მელანია ტრამპის ყოფილი მოდელის სტატუსის გამო, მისი სტილი თეთრ სახლში ყოფნის პერიოდში ფართოდ იყო განხილული. 2005 წელს, თეთრ სახლში მოსვლამდე, მელანია ატარებდა 36 მმ-იან თეთრ ოქროს Vacheron Constantin “Kalla Duchesse” მოდელის საათს, რომლის ციფერბლატი, კორპუსი და სამაჯური 44 ქრატის ფაბრიკატური ბრილიანტებით არის მორთული. ეს ბრილიანტებით გაფორმებული საათი მეორად ბაზარზე ამჟამად დაახლოებით 745,000 აშშ დოლარად არის შეფასებული. მელანია ტრამპი არაერთხელ შეუმჩნევიათ Rolex Day-Date-ის საათით. მსგავსი მოდელის ფასი მეორად ბაზარზე დაახლოებით 60,000 აშშ დოლარია.
ჯილ ბაიდენის Cartier-ის და Chanel-ის საათები
ჯილ ბაიდენი ამერიკის ყოფილი პრეზიდენტის ჯო ბაიდენის მეუღლეა. ის რამდენჯერმე დაფიქსირდა სხვადასხვა საათებით, მათ შორის კლასიკური Cartier Panthere ოქროში. მიუხედავად იმისა, რომ Panthere კვარცის მექანიზმით მუშაობს, საათი საკმაოდ ძვირად ფასობს — Cartier-ის და ოქროს გამო. Cartier Panthere-ის ოქროს მცირე მოდელის საცალო ფასი დაახლოებით 21,700 აშშ დოლარია. მის კოლექციაში ასევე არის Chanel J12-ის საათი. ჰილარი კლინტონი ამ საათის თეთრი კერამიკის მოდელს ატარებდა, ბაიდენმა კი შავ კერამიკის არჩია. შავი კერამიკის Chanel J12-ის ფასი, თეთრი მოდელის მსგავსად, დაახლოებით 5,450 აშშ დოლარია.
