დღეს, იტალიური მოდის სახლის დამაარსებელი, ლეგენდარული ვალენტინო გარავანი 92 წლის გახდა.
იტალიელმა მოდის დიზაინერმა კარიერა პარიზში ორმოცდაათიან წლებში დაიწყო. პარიზში მოდის შესწავლის შემდეგ, ის დაბრუნდა იტალიაში და 1960 წელს რომში გახსნა თავისი სახელობის მოდის სახლი, თავის პარტნიორ ჯანკარლო ჯამეტთან ერთად. ვალენტინოს დიზაინებმა მალევე მიიპყრო მსოფლიო ყურადღება, რამაც მას საერთაშორისო აღიარება მოუპოვა. ყოველი კოლექციით, Valentino-ს რეპუტაცია იზრდებოდა, რაც აძლიერებდა მის სტატუსს მოდის სამყაროში. დღესდღეისობით Valentino-ს კრეატიული დირექტორი არის გუჩის ყოფილი კრეატიული დირექტორი-ალესანდრო მიკელე, მას შემდეგ რაც პიერპაოლო პიჩოლიმ დატოვა მოდის სახლი.
ჩვენ არ შეგვიძლია არ გავიხსენოთ ლეგენდარული დიზაინერის წვლილი მოდის სამყაროში. წითელი ხალიჩიდან დაწყებული გახმაურებული ღონისძიებებით დამთავრებული, Valentino-ს შემოქმედებამ ყველაზე გავლენიანი ვარსკვლავები დაამშვენა და წარუშლელი კვალი დატოვა მოდის ისტორიაში.
გავიხსენოთ ვალენტინოს დაუვიწყარი კაბით ვარსკვლავები:
ჯულია რობერტსი 2001 წლის ოსკარის დაჯილდოებაზე
ჟაკლინ კენედი ონასისი Met Gala-ზე 1979 წელს.
ენ ჰეთევეი ოსკარზე 2011 წელს.
დიანა, უელსის პრინცესა, პოლ მაკარტნის სპექტაკლზე 1992 წელს.
კეიტ ბლანშეტი ოსკარზე 2005 წელს.
რიანა მეტ გალაზე 2023 წელს.
კლაუდია შიფერი 2000 წლის ოქროს გლობუსზე
ჰოლი ბერი ოქროს გლობუსის დაჯილდოებაზე 2002 წელს.
ჯენიფერ ენისტონი ოსკარზე 2013 წელს.
ჯენიფერ ლოპესი ოსკარზე 2003 წელს.
