მას შემდეგ, რაც რუსეთმა უკრაინას შეუტია და ომი გამოუცხადა, ქვეყნის აგრესიული ქმედებები მსოფლიო მოსახლეობის ყურადღების ცენტრშია. უკრაინელ მოსახლეობას მხარდაჭერა არაერთმა ადამიანმა დაუჭირა, რუსეთს კი სანქციები არაერთმა ქვეყანამ დაუწესა. როგორც იცით, პროტესტს მაღალი მოდის გიგანტები LVMH, Chanel და Kering შეუერთდნენ. ქვეყანაში ისეთმა ბრენდებმა შეწყვიტეს საკუთარი პროდუქციის გაყიდვა, როგორებიც “გუჩი”, “სან ლორანი”, “ბალენსიაგა”, “ალექსანდრ მაკქუინი”, “ერმესი”, “ფენდი”, “ლუი ვიტონი” და “კენზო” არიან.
ამჯერად მსოფლიოს ერთ-ერთი ყველაზე გავლენიანი მედია კონგლომერატი, გამომცემლობა Condé Nast რუსეთში Vogue-სა და GQ-ის ჟურნალების გამოცემას დროებით წყვეტს.
:quality(70)/cloudfront-eu-central-1.images.arcpublishing.com/businessoffashion/FBISBAXLGZEJZAUH7NPBCGTY5Q.jpg)
რუსული Vogue-ის პირველი ნომერი 1998 წელს გამოვიდა, რომლის გარეკანზეც ტოპ მოდელი ამბერ ვალეტა და 90-იანების საკულტო სუპერმოდელი ქეით მოსი მოხვდნენ.
გამოცემის პირველი რედაქტორი ალიონა დოლეტსკაია გახლდათ.
რუსული Vogue წლების განმავლობაში ისეთი დონის ვარსკვლავებთან და მოდელებთან თანამშრომლობდა, როგორებიც არიან ირინა შეიკი, ნატალია ვოდიანოვა, კრის გრიკაიტე, ბელა ჰადიდი, კენდალ ჯენერი და სხვები.
