25 წლის ამერიკელი მსახიობი ტიმოთი შალამე, რომელიც ყოველთვის პოულობს ზღვარს ტრადიციულ „მასკულინურ ნორმებსა“ და ფემინურობას შორის, კვლავ ექცევა საკუთარი ჩაცმულობით საზოგადოების ყურადღების ცენტრში.
ექსპერიმენტული სტილი და მიდრეკილება ახალი ბრენდებისკენ ყოველთვის საინტერესო, გემოვნებიანი და მოდური არჩევანით სრულდება.
ალბათ თითქმის ყველას გახსოვთ 2019 წლის „ვენეციის კინოფესტივალი“, სადაც ახალგაზრდა შემსრულებელმა ჰაიდერ აკერმანის სამოსი ჩაიცვა, რის შემდეგაც დიზაინერის პოპულარობა ინტერნეტში საგრძნობლად გაიზარდა.
ტიმოთიმ Dune-ის პრემიერაზე დასასწრებად სწორედ Heider Ackermann-ის დახვეწილი სამოსი შეარჩია.
ტიმოთი Dune-ის პრემიერაზე ზენდეიასთან ერთად გამოჩნდა, რომელსაც ბალმანის კაბა ამშვენებდა.
არსებული ინფორმაციით, მძაფრსიუჟეტიანი სათავგადასავლო ფანტასტიკა, რომელშიც ახალგაზრდა შემსრულებლები თამაშობენ, კინოთეატრებში ოფიციალურად პირველ ოქტომბერს გამოვა.
