სელენა გომესი და ზეინ მალიკი, ჰარი სტაილსი და ემილი რატაკოვსკი… გასული კვირის ორი ყველაზე განხილვადი ახალი ვარსკვლავური წყვილები არიან.
The Sun იტყობინება, რომ სელენა და ზეინი ნიუ-იორკში, რესტორანში, პაემანზე შენიშნეს, რის შემდეგაც თვითმხილველებმა მათი კოცნაც დააფიქსირეს. მას შემდეგ, რაც სოციალურ მედიაში სელენა გომესი ყველაზე მეტი გამომწერის მქონე ქალი ვარსკვლავი გახდა, მისი მიმდევრების რიცხვი 400 მილიონს გადასცდა. რამდენიმე დღის წინ სელენას გამომწერების რიცხვს One Direction-ის ყოფილი წევრი ზეინ მალიკი შეემატა, რასაც სელენამაც იმავენაირი ქმედებით უპასუხა. სოციალურ მედიაში ერფმანეთის გამოწერის შემდეგ წყვილი რეალურ პაემანზე შეხვდა ერთმანეთს.
როგორც The Sun-თან საუბრისას ერთ-ერთმა სანდო წყარომ აღნიშნა, ზეინ მალიკის ყოფილმა მეგობარმა გოგონამ და მისი შვილის დედამ ჯიჯი ჰადიდმა წყვილის ურთიერთობის შესახებ კომენტარი უკვე გააკეთა და აღნიშნა, რომ მანამ, სანამ ზეინი იქნება ბედნიერი და თავიანთ შვილს შესანიშნავ მამობას გაუწევს, მისთვის არ ექნება მნიშვნელობა ვის შეხვდება.
