სელმა ჰაიეკი და ვალენტინა პალომა მსოფლიოში ერთ-ერთი ყველაზე პოპულარული
და განხილვადი ვარსკვლავური დედა-შვილი არიან. ისინი ხშირად ექცევიან
პაპარაცების, უცხოური გამოცემებისა და ტაბლოიდების ყურადღების ცენტრში, მათი
პოპულარობა კი შესაბამისა დღითიდღე უფრო იზრდება. ამეჯრად სელმამ და
ვალენტინამ გავლენიანი მოდური გამოცემის Vogue Mexico-ს გარეკანი დაამშვენეს,
რომელთან ინტერვიუშიც დედა-შვილურ ურთიერთობაზე გულახდილად ისაუბრეს.
– როგორ შეიქმნა Vovue-ის გარეკანი და მოგეწონათ თუ არა დედასთან ერთად
მუშაობა?
ვალენტინა: ძალიან ინფორმაციულია საინტერესო ადამიანებთან ურთიერთობა,
ჩემთვის შესანიშნავი გამოცდილება იყო ამ ნომერზე მუშაობა. რაც შეეხება სელმას,
დედასთან ერთად დიდი ხანი გადასაღებ მოედანზე არ მომიწია მუშაობა. როდესაც
მისთვის სამოსს არჩევდნენ, ეს პროცესი ძალიან მომწონდა… ზოგადად ხშირად
ვთხოულობ მის სამკაულებს და ვინტაჟურ ნივთებს. მას ძალიან კარგი გემოვნება და
დახვეწილი სტილი აქვს.
სელმა: ვალენტინა ხშირად დაუკითხავად იღებს ჩემს სამოსს და შემდეგ ჩემს ნივთებს
თავიანთ ადგილებზე ვერასდროს ვპოულობ. (იცინის)
– ვალენტინა, როგორი გრძნობაა, როდესაც მამას ფრანგულად, დედას კი ესპანურად
ესაუბრები?
ვალენტინა: როდესაც ჩვენს გარშემო ბევრი ხალხია, მომწონს, იმიტომ რომ ეს ჩვენს
საიდუმლო ენას ჰგავს, განსაკუთრებით მაშინ, როდესაც სხვებს ესპანურად არცერთი
სიტყვა არ ესმით, იმავე ხდება მამასთანაც, როდესაც ფრანგულად ვსაუბრობ.
ნებისმიერ დროს შეგვიძლია ერთმანეთს ვუთხრათ რაღაც, ისე, რომ სხვებმა ვერაფერი
გაიგონ.
– გაინტერესებთ თუ არა მოდის სფერო? როგორია თქვენი პერსონალური სტილი და
როგორ სამოსს ანიჭებთ უპირატესობას?
სელმა: ვალენტინა პატარა ასაკიდანვე თავად არჩევდა სამოსს, არასდროს მაძლევდა
უფლებას მისი პერსონალური სტილი ჩემი გემოვნებით ჩამომეყალიბებინა და ეს
ძალიან მომწონდა. შეიძლება ახლა სწორედ ამის გამო აქვს კარგი გემოვნება, ასევე
იცის მაკიაჟის გაკეთება და ზოგჯერ ჩემთვის უცნობ, საინტერესო რჩევებსაც მაძლევს.
ვალენტინა: ზოგადად, ყოველდღიური, კომფორტული სტილი მომწონს, მაგრამ არის
დღეები, როდესაც მინდება ჩავიცვა ტანსაცმელი, რომელიც ჩემს პიროვნულობასა და
ხასიათს კარგად გამოხატავს. შეიძლება ერთ დღეს ვიყო შავი სამოსით, მაგრამ მეორე
დღეს მომინდეს, გრანგიოზული და ეპატაჟური “ლუქით” გამოჩენა.
მომწონს მაკიაჟის ხელოვნება, რადგან კოსმეტიკა საინტერესო დეტალებს მატებს
ჩაცმულობას. მე არასდროს არ ვიყენებ მაკიაჟს იმისთვის, რომ ლამაზად
გამოვიყურებოდე, ან დავფარო ნაკლოვანებები. მაგალითად, ხშირად არ ვისვამ
ქონსილერს, იმიტომ რომ მომწონს მუქი წრეები თვალებს გარშემო, ბუნებრივი
დეტალების დაფარვა არ არის საჭირო.
– როგორც ახსენეთ, ძალიან სასიამოვნოა ის ფაქტი, რომ დედები ხშირად შვილებისგან
ვსწავლობთ. ზოგჯერ ოჯახში პროლემებს ქმნის ასაკობრივი სხვაობა, თუმცა თქვენს
შემთხვევაში ასე არაა.
სელმა: მე დედა გვიანდელ ასაკში გავხდი, ასე იმიტომ მოხდა, რომ კონკრეტულ
მომენტში ვიპოვე ადამიანი, რომელიც გახდა ჩემი ცხოვრების პარტნიორი. მას ჰქონდა
სტაბილური კარიერა, მაგრამ მე ქალიშვილის ყოლა ძალიან მინდოდა. სხვა არაფერი
მაინტერესებდა. ვგრძნობდი, რომ ცხოვრებაში უკვე ბევრი რამე მქონდა გაკეთებული,
ამიტომ ახალი პერიოდისთვის მინდოდა მომზადება.
როდესაც ვალენტინა გაიზარდა, ჩემმა მეუღლემ მითხრა, რომ მუშაობა
გამეგრძელებინა, რადგან არსებობდა შესაძლებლობა ჩემი კარიერა მომნატრებოდა.
წლების შემდეგ მაინც მოვახერხე ჩამომეყალიბებინა ქალიშვილთან კარგი
ურთიერთობა და პარალელურად კარიერა შემენარჩუნებინა.
– როგორ პოულობთ ბალანსს კარიერასა და პირად ცხოვრებას შორის და როგორ
ატარებს ვალენტინა პერიოდს, როდესაც გადაღებების გამო რამდენიმე კვირის
განმავლობაში ვერ ახერხებთ სახლში ყოფნას?
ვალენტინა: მაგალითად, როდესაც ვიცი, რომ დედა უნდა წავიდეს გადაღებებზე
მინიმუმ ორი კვირით, ყოველთვის ვეუბნები, რომ მშვიდად იყოს, ჩემზე არ
ინერვიულოს და მაქსიმალური კონცენტრირება როლზე მოახდინოს. არ აქვს
მნიშვნელობა რამდენად შორს მიდის, ის ყოველთვის აკონტროლებს ჩემი ჭამისა და
ძილის გრაფიკს, სულ საქმის კურსშია სად და როგორ ვარ.
სელმა: დედობა შესანიშნავი გრძნობაა, მე ყოველთვის ვნერვიულობ და ვფიქრობ
იმაზე თუ როგორაა ჩემი შვილი. კარიერა ძალიან მნიშვნელოვანია, მაგრამ ოჯახი
ყოველთვის უფრო ძვირფასი იქნება, სწორედ ამიტომ დიდ როლებს იშვიათად
ვთანხმდები, რადგან მიჭირს დიდი ხნით ვიყო ოჯახს მოშორებული.
– ჯერ ადრეა ალბათ იმაზე ფიქრი, თუ რას გინდათ მიუძღვათ თავი ცხოვრებაში, თუმცა
მაინც გკითხავთ, გსურთ თუ არა გაყვეთ დედის გზას და სცადოთ კინოინდუსტრიაში
თქვენი შესაძლებლობები?
ვალენტინა: მინდა მივიღო მონაწილეობა ფილმებში, მაგრამ არამხოლოდ როგორც
მსახიობი, არამედ როგორც რეჟისორი. ინტერესის ბევრი სფერო მაქვს, თუმცა ამჯერად
ეს ორი პროფესიაა ჩემი ინტერესის ობიექტი.
– სელმა, რას ფიქრობთ ახლა, როდესაც იცით, რომ თქვენს ქალიშვილს სურს იყოს
მსახიობი და გადაიღოს ფილმები?
სელმა: მე ვიცი რას ნიშნავს იყო მსახიობი ადრეულ ასაკში. ამ დროს კარგავ შენს
ანონიმურობას და შესაძლოა თვითშეფასებასაც. ჩემი აზრით, მნიშვნელოვანია
გქონდეს ცხოვრებისეული სტრატეგია, უნდა იცოდე რისი გაკეთება გსურს და შეძლებ
თუ არა გაიღო მსხვერპლი ამ ყველაფრისთვის.
თუ გიყვარს შენი პროფესია, მაშინ ყველაფერი გამოგივა და ძალიან წარმატებული
იქნები. როდესაც გსიამოვნებს რასაც აკეთებ, ჩათვალე, რომ უკვე მოგებული ხარ
ცხოვებაში.
– რას ფიქრობთ სოციალურ მედიასა და მის გავლენებზე?
სელმა: მე სოციალურ მედიას ყოველდღიურად არ ვიყენებ. ძირითადად, საინტერესო
ინფორმაციის შემცველი გვერდები მაინტერესებს, რომლებიც ცხოველებზე,
ფრინველენზე და გეოგრაფიულ ადგილებზე მაწვდიან საჭირო კონტენტს.
ვალენტინა: ვფიქრობ, ჩემს თაობას არ აინტერესებს ვის რამდენი მოწონება აქვს
ინსტაგრამზე, მათ აინტერესებთ ადამიანები, რომლებსაც რაღაც აქვთ სათქმელი.
ჩემთვის მნიშვნელოვანია ხალხი, რომლებიც მაწვდიან საჭირო ინფორმაციას და
შემდეგ ამ ყველაფერს ვიყენებ ცხოვრებაში. სწორედ ამიტომ, მათ მსგავსად მეც
გამუდმებით ვცდილობ, ვიყო გულახდილი და რაც მთავარია, საზოგადოებას
გავუზიარო საინტერესო კონტენტი.
