„საქართველოს უნივერსიტეტი“, რომელიც 2004 წელს დაფუძნდა, თავდაპირველად საზოგადოებრივ მეცნიერებათა სკოლა იყო. 2007 წლიდან სხვადასხვა დისციპლინაში საგანმანათლებლო პროგრამების დამატების შემდეგ, საზოგადოებრივ მეცნიერებათა სკოლა „საქართველოს უნივერსიტეტად“ იქცა.
2021 წელს საერთაშორისო ორგანიზაცია „ვებომეტრიქსის“ კვლევის მიხედვით, „საქართველოს უნივერსიტეტი“ ყველაზე რეიტინგული კერძო უნივერსიტეტია საქართველოში, კავკასიის რეგიონის მასშტაბით კი ტოპ-შვიდეულში შედის. „საქართველოს უნივერსიტეტი“ გამორჩეულია უმაღლესი ხარისხის, მომთხოვნი საგანმანათლებლო პროცესითა და ისეთი ტიპის თანამედროვე ინფრასტრუქტურით, რომელშიც ადამიანი, ხარისხიან განათლებასთან ერთად, პრაქტიკულ უნარებსაც ეუფლება. „საქართველოს უნივერსიტეტის“ მიზანი თითოეული სტუდენტის პიროვნული განვითარება და მისი, როგორც პროფესიონალის, ჩამოყალიბებაა. „საქართველოს უნივერსიტეტის“ კურსდამთავრებულთა 96% დასაქმებულია, მათ შორისაა საბა ბახია, რომელიც წელს „ბალენსიაგას“ გუნდს შეუერთდა. გთავაზობთ „საქართველოს უნივერსიტეტის“ ინტერვიუს საბა ბახიასთან.
როგორ დაიწყო თქვენი ისტორია „ბალენსიაგაში“?
„ბალენსიაგა“ არის საუკუნოვანი ისტორიის მქონე მოდის სახლი. რა თქმა უნდა, ბრენდის შესახებ მანამდეც ვიცოდი, მაგრამ ჩემი დიდი ინტერესი მის მიმართ დემნას კრეატიულ დირექტორად დანიშვნამ გამოიწვია. შემიძლია ვთქვა, რომ უკვე ამ დროიდან „ბალენსიაგა“ გაჩნდა ჩემს ცხოვრებაში. „დემნაგრამის“ შექმნის იდეა 2018 წელს დამებადა. დღეს უკვე საზოგადოება იაზრებს, თუ რამხელა მნიშვნელობის საქმეს აკეთებს მოდისა და ხელოვნების მიმართულებით დემნა საერთაშორისო ასპარეზზე და რომ ეს არ არის მხოლოდ მისი პირადი წარმატება. დემნა გვასალია თავისი წარმატებით საკმაოდ დიდ პოპულარიზაციას უწევს საქართველოსაც. მაშინ, 2017-2018 წლებში ეს ჯერ კიდევ არ იყო ასე კარგად აღქმული საზოგადოებაში და ამიტომაც მე მინდოდა, გარკვეული ფორმით მის მიმართ საკუთარი წილი პატივისცემა გამომეხატა. გარდა ამისა, ჩემთვის, დემნა, როგორც ქართველი, რომელმაც საკუთარი შრომისა და ნიჭის დამსახურებით, ამხელა წარმატებას მიაღწია, არის მოტივაცია. ის დიდ ინსპირაციას მძენს, რომ მომავალში მეც მასავით წარმატებული ვიყო. 2018 წელს როდესაც „დემნაგრამს“ ვაკეთებდი, ნამდვილად ვერ წარმოვიდგენდი, რომ სულ რაღაც 3-4 წელიწადში, „ბალენსიაგასთან“ კონტრაქტს გავაფორმებდი. რა თქმა უნდა, რომ არა დემნას ასეთი მხარდაჭერა, ნამდვილად არ ვიქნებოდი იქ, სადაც ახლა ვარ და ამიტომ მისი მადლიერი გახლავართ. ყველანაირად გვერდით მიდგას და მხარს მიჭერს ყველაფერში. ჩემთვის ძალიან მნიშვნელოვანია, რომ მან დააფასა და სწორად დაინახა ის, რასაც მე ვაკეთებ.
რას ურჩევდით სტუდენტებს?
სტუდენტებს ვურჩევდი, ყოველთვის აკეთონ ის საქმე, რაც მათ მოსწონთ. არასდროს შეეშინდეთ დამარცხების და არასდროს დანებდნენ წარმატებისკენ მიმავალ გზაზე, როგორი დაბრკოლებაც უნდა შეხვდეთ. იცოდეთ, თუ მოინდომებთ, ყველაფერს მიაღწევთ. ბოლოს, მინდა გითხრათ ის, რაც დემნამ მითხრა, ჯერ კიდევ მაშინ, როდესაც „დემნაგრამი“ საერთოდ არ არსებობდა: გჯეროდეთ თქვენი თავის, მიჰყევით საკუთარ ოცნებებს და ის აუცილებლად მიგიყვანთ კარგ ადგილას. ჩემი ისტორია კი ამ ყველაფრის დასტურია.
გაიხსენეთ ყველაზე ბედნიერი მოგონება, რომელიც გაკავშირებთ „საქართველოს უნივერსიტეტთან“…
„საქართველოს უნივერსიტეტში“ სწავლის პერიოდში ყველაზე მნიშვნელოვანი და ბედნიერი მომენტი იყო მაშინ, როცა შრომა დამიფასდა და უნივერსიტეტის სტიპენდია მივიღე.
www.instagram.com/demnagram/
https://www.instagram.com/sababakhia
