PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ უჩვეულო და სახალისო საახალწლო ტრადიციებს.
დამდეგი წლის წინასწარმეტყველების გამორჩეულად საინტერესო მეთოდი გერმანიასა და ფინეთში ყველაზე ფართოდაა გავრცელებული, თუმცა საახალწლოდ ევროპის სხვა ქვეყნებშიც ხშირად მიმართავენ ამ ტრადიციას. საუკუნეების განმავლობაში, ჯერ კიდევ ათასწლეულების წინ, კელტები და რომაელებიც ადნობდნენ ტყვიას სხვადასხვა მიზნით, ნელ-ნელა კი ეს საქმე სკანდინავიაში და გერმანულენოვან რეგიონებში უფრო ფართოდაც დამკვიდრდა საახალწლო ტრადიციად. ამ ტრადიციის მიხედვით, მონაწილეები ცეცხლზე ადნობდნენ ტყვიას და ცივ წყალში ჩასხმის შემდეგ მიღებული აბსტრაქტული ფიგურების ინტერპრეტაციით განსაზღვრავდნენ, ახალი წელი რას მოუტანდათ. დღეს გერმანელები და ფინელები ტყვიის ნაცვლად კალას ან ცვილს იყენებენ, მაგრამ საუკუნოვან ტრადიციას არ ღალატობენ და განსხვავებული ფორმების წაკითხვითაც ყოველ წელს ხალისობენ.
ჩამომდნარი მასალის გამყარებით მიღებული ფორმების მრავალფეროვნება ძალიან საინტერესოდ ასახავს ამ საახალწლო ტრადიციას და ადამიანების წარმოსახვასაც ბევრად მდიდარ გასაქანს აძლევს. მაგალითად, ცნობილია, რომ თუ კალა ან ცვილი ბურთის ფორმას მიიღებს, ახალი წელი იღბლიანი იქნება, გვირგვინის მსგავსი ფორმა სიმდიდრესთან, ჯვრის − სიკვდილთან, ვარსკვლავის − ბედნიერებასთან, ხმლის კი − რისკით სავსე წელიწადთან ასოცირდება. შედარებით არასტანდარტული ფორმებიდან შეგვიძლია გამოვარჩიოთ ბაყაყის ფიგურა, რომელიც ლატარიის მოგებას წინასწარმეტყველებს, გემი − მოგზაურობისთვის მზადებას, ხოლო მელიის ფორმა მოხერხებულ და ინიციატივებით სავსე წელიწადს აღნიშნავს.
