მრავალი წელია, რაც ოპტიკურ ინდუსტრიაში დამკვიდრდა ტერმინი „თვალის ჯანმრთელობა“, თუმცა მან განსაკუთრებული მნიშვნელობა უკანასკნელ პერიოდში, ციფრული მოწყობილობების ხანის დადგომასთან ერთად შეიძინა. ჩვენთვის უკვე წარმოუდგენელია ცხოვრება ტელეფონის, პლანშეტის, ლეპტოპის ან GPS-ის გარეშე. ამ ყველაფერს ერთი საერთო თვისება აქვს − ყველა მათგანი ლურჯ სხივს ასხივებს, რომლის ჭარბი, ხანგრძლივი ზემოქმედება მავნე ზეგავლენას ახდენს ჩვენი თვალის ჯანმრთელობაზე.
რა არის ლურჯი სხივი და კერძოდ, რა გავლენას ახდენს იგი თვალზე. ასევე, „რონიკოს“ თვალის ახალ კლინიკაზე გვესაუბრებიან ოპტიკური კომპანია „რონიკოს“ ოფთალმოლოგი ნანა ნიჟარაძე და სათვალის ლინზების მწარმოებელი კომპანია HOYA-ს ბრენდმენეჯერი თათია ბერიაშვილი.
თათია ბერიაშვილი:
უახლესმა კვლევებმა აჩვენა, რომ ციფრული მოწყობილობების აქტიურ მომხმარებლებს ხშირად აქვთ ისეთი ჩივილები, რომლებიც ლურჯი სხივის ჭარბი ზემოქმედებით არის გამოწვეული. დიახ, ლურჯი სხივის ხანგრძლივმა ზემოქმედებამ შესაძლოა გამოიწვიოს ამღვრეული მხედველობა, თვალის სიწითლე, სიმშრალე, მომატებული მგრძნობელობა სინათლის მიმართ და სამწუხაროდ, ოპტიკური ნერვისა და ბადურას დაზიანებაც, რასაც საბოლოოდ სიბრმავემდე მივყავართ.
მხედველობასთან დაკავშირებული ახალი გამოწვევების გამო, რაც თანამედროვე ცხოვრების წესმა მოიტანა, კომპანია „რონიკომ“ მიზნად დაისახა, თითოეული მომხმარებლისათვის მიეწოდებინა პროდუქტი, რომელიც დაიცავდა თვალს ლურჯი გამოსხივებისა და მისი თანმდევი, ფატალური შედეგებისაგან.
ასეთ უნივერსალურ გამოსავალს კი იაპონური კომპანია HOYA გვთავაზობს, Blue Control და Blue CUT სათვალის ლინზების სახით. HOYA 1941 წელს დაარსდა და სწორედ ასეთი ინოვაციური პროდუქტების წყალობით, რეკორდულ დროში მოახერხა ოპტიკური ბაზრის სათავეში მოქცევა.
სხვა სათვალის ლინზებისა და დაფარვებისაგან განსხვავებით, რომლებიც მავნე ლურჯ სხივს ჩვეულებრივ ატარებს, HOYA-ს სათვალის ლინზები დაფარვით Blue Control და Blue CUT მათ ბლოკავს და მხოლოდ თვალისთვის საჭირო და უვნებელ რაოდენობას გვაწვდის. შესაბამისად, მათი გამოყენებით, ჩვენი თვალი დაცულია, როგორც ბადურას, ისე ოპტიკური ნერვის დაზიანებისგან, გამოსახულება კი უფრო მკაფიო და შესაბამისად, მეტად კომფორტულია.
HOYA-ს იაპონური, მაღალი ტექნოლოგიით დამზადებული ლინზები დამცავი ფენით HOYA Blue Control და HOYA Blue CUT თავსებადია ნებისმიერი ტიპის ჩარჩოსთან, აქვს მკვეთრი ლურჯი ანტირეფლექსური დამცავი ფენა და რეკომენდებულია მათთვის, ვინც დიდ დროს ატარებს მონიტორთან ან სხვა ციფრულ მოწყობილობებთან. რა თქმა უნდა, ეს ძალიან დიდი სეგმენტია, მაგრამ აუცილებლად უნდა გამოვყოთ ბავშვები, სკოლის მოსწავლეები და სტუდენტები, რომლებიც განსაკუთრებულად მგრძნობიარენი არიან მავნე გამოსხივების მიმართ.
Blue Control სათვალის ლინზა მავნე ლურჯ გამოსხივებას ფილტრავს. ასე რომ, თავისუფლად შეგიძლიათ გამოიყენოთ როგორც შენობაში, მონიტორთან და სხვა ციფრულ მოწყობილობებთან, ისე ღია სივრცეში. იგი წარმოადგენს HOYA-ს პრემიუმკატეგორიის ლინზას და აქვს Longlife და Blue control დაფარვები ერთდროულად, რაც, ერთი მხრივ, იცავს თქვენს თვალს მავნე ლურჯი სხივის ზემოქმედებისგან, ხოლო მეორე მხრივ, Long life დამცავი ფენის ხარჯზე, 5-ჯერ მეტად რეზისტენტულია ნაკაწრების, ნათითურების, წყლის წვეთისა და ცხიმოვანი ლაქების მიმართ. ასევე, მარტივია მისი გაწმენდა-გასუფთავებაც.
Blue CUT სასათვალე ლინზების გამოყენება კი რეკომენდებულია მხოლოდ შენობაში, ვინაიდან იგი აბსოლუტურად ბლოკავს ლურჯ სხივს.
გარდა იმისა, რომ „რონიკოს“ ნებისმიერ ოპტიკურ სალონში შესაძლებელია საკუთარი გემოვნებით შეირჩეს ჩარჩოსა და მინის კომბინაცია, ჩვენ გთავაზობთ უკვე დამზადებულ ჩარჩოებს Blue CUT დაფარვით, როგორც ბავშვების, ისე მოზრდილებისათვის. მათი შეძენა 20%-იანი ფასდაკლებით შეგიძლიათ, როგორც „რონიკოს“ ოპტიკურ სალონებში, ისე ჩვენს ონლაინმაღაზიაში, სადაც, რა თქმა უნდა, შესაძლებელია საკურიერო სერვისით სარგებლობაც, რაც ძალიან დიდ კომფორტს წარმოადგენს ჩვენი მომხმარებლებისათვის. მუდმივად უნდა გვახსოვდეს, რომ ჩვენი თვალები არ არის შექმნილი ციფრულ მოწყობილობებთან სამუშაოდ, HOYA-ს სათვალის ლინზები − არის!
ნანა ნიჟარაძე:
ვინაიდან კომპანია მუდმივად ზრუნავს ოპტიკური ინდუსტრიის უახლესი ტექნოლოგიების დანერგვაზე, „რონიკოს“ ერთ-ერთ ფილიალში, ყაზბეგის 14ბ ნომერში, გაიხსნა უახლესი აპარატურით აღჭურვილი თვალის კლინიკა. აქ ტარდება თვალის ყველა სახის რუტინული კვლევა: რეფრაქტოკერატომეტრია, ბიომიკროსკოპია, ფუნდუსკოპია და ა.შ. რომელთა საფუძველზე ხდება თვალის დაავადებებისა და პათოლოგიების დიაგნოსტიკა და მკურნალობა ევროპულ სტანდარტზე დაყრდნობით.
ერთი სიტყვით, „რონიკოს“ ოფთალმოლოგიური ცენტრი პაციენტებს სთავაზობს თვალის სრულ გამოკვლევას და მკურნალობას მსოფლიოს წამყვანი კომპანიების მიერ წარმოებული საუკეთესო დიაგნოსტიკური აპარატურით. მათ შორის:
- ოპტიკურ-რეზონანსული ტომოგრაფი, რომლის მეშვეობით შესაძლებელია თვალის ფსკერის შრეობრივი ანალიზი, რიგი დაავადებების დროს: მაკულის ასაკობრივი დეგენერაცია, თვალის ფსკერის დიაბეტური ცვლილებები, თვალის ფსკერზე არსებული თანდაყოლილი ანომალიები და პათოლოგიები, მხედველობის ნერვის გლაუკომატოზური ცვლილებები.
- უკონტაქტო აუტო-ტონომეტრი, რომელიც ახდენს თვალშიდა წნევის უკონტაქტო მეთოდით გაზომვას.
ყაზბეგის 14 ბ ნომერში არსებულ „რონიკოს“ თვალის კლინიკაში მივიღებთ ნებისმიერი ასაკის პაციენტებს: ბავშვებს, მოზარდებსა და ზრდასრულებს.
ფოტო: ალექსეი სეროვი
