თუ ვარჯიშზე უარი თქვი, შესაძლოა ფიზიკურ აქტივობას არასწორად არჩევ. ახალი კვლევის მიხედვით, რომელიც ჟურნალ Frontiers in Psychology-ში გამოქვეყნდა, ვარჯიშის ტიპი და მეთოდი უნდა შეესაბამებოდეს პიროვნებას, რათა შედეგი მაქსიმალურად ეფექტური იყოს.
ლონდონში, მეცნიერების მიერ ჩატარდა კვლევა, სადაც 132 ზრდასრული ადამიანი ორ ჯგუფად დაყვეს. ერთმა ნაწილმა 7 დღის მანძილზე სხვადასხვა ინტენსივობის ვარჯიში გააკეთა( წონებით), ხოლო მეორე ჯგუფი მხოლოდ მსუბუქი გაწელვებით და სეირნობით შემოიფარგლა. ამ კვლევის მიზანი იყო გაერკვიათ ახდენს თუ არა ზეგავლენას სიამოვნების მიღება შედეგზე და განესაზღვრათ პიროვნების ტიპები, მათთვის შესაბამისი აქტივობების მიხედვით.
3 ძირითადი კატეგორია დაფიქსირდა
- ექსტრავერტი;
- ნეუროტული;
- კონცენტრირებული.
ბავშვთა და მოზარდთა ფსიქიატრი, დოქტორ ბლეიზ აგირე აღნიშნავს:
„ექსტრავერტები ხშირად გუნდურ სპორტს ან ჯგუფურ ვარჯიშებს არჩევენ, რადგან ისინი ენერგიას სხვა ადამიანებთან ურთიერთობით იღებენ. კონცენტრირებული და გეგმის მიმდევარი ადამიანები ორგანიზებული, რუტინული აქტივობებთ კავდებიან, რაც მათ ბუნებას უფრო შეესაბამება. ნეუროტული პიროვნებები კი უპირატესობას ინდივიდუალურ და ნაკლებად ინტენსიურ ვარჯიშებს ანიჭებენ, შიშის ან უხერხულობის თავიდან ასარიდებლად”.
შედეგის მიღწევას დრო სჭირდება, ამიტომ საჭიროა პიროვნების შესაბამისი აქტივობის პოვნა. სხვა შემთხვევაში ვარჯიში უინტერესო და უშედეგო გახდება. ნებისმიერი ადამიანისთვის მნიშვნელოვანია დისციპლინა და გარკვეული სოციალური ჩართულობა, რომელიც ნეგატიურ განწყობას ამცირებს. კვლევების შედეგებით, მიუხედავად იმისა, რომ სოციალიზაცია ინტრავერტების ფსიქიკაზე დადებითად არ მოქმედებს, თითოეული მათგანი, რომელიც მინიმალურად ჩაერთო ჯგუფურ აქტივობაში( თუნდაც, კვირაში ერთხელ), მათი შფოთვის დონე მკვეთრად შემცირებული იყო.
ასევე დაგაინტერესებთ:
#OK! ჯანსაღი ცხოვრების წესი – როგორ მივაღწიოთ საკუთარ თავთან ჰარმონიას
