#OK! ცნობილი მშობლების სელებრითი შვილები

იყო ცნობილი შობლების შვილი ნიშნავს საზოგადოების ყურადღების ცენტრში ყოფნას. მაშინ, როცა ზოგიერთი ვარსკვლავის შვილი ირჩევს პირადი სივრცის შენარჩუნებასა და მშვიდ ცხოვრებას, დანარჩენი მათგანი ყურადღებას კარგად იყენებენ და მშობლების ცხოვრების წესს მიყვებიან. წარმოგიდგენთ ცნობილი მშობლების ტოპ 10 სელებრითი შვილების სიას:

დევა კასელი

დევა ცნობილი მსახიობების ვინსენტ კასელისა და მონიკა ბელუჩის ქალიშვილია. ვარსკვლავური წყვილი 14 წელი იყვნენ ქორწინებაში (1999-2013) ერთ-ერთი ფილმის გადაღებებისას. 2004 წლის 12 სექტემბერს წყვილს დევა შეეძინათ. ახალგაზრდა გოგონა დედის კვალს გაყვა და ჯერ კიდევ თინეიჯერობისას დოლჩე და გაბანას ამბასადორი გახდა. დევა რამდენიმე ენას ფლობს, ბავშვობა საფრანგეთსა და იტალიას შორის გაატარა და ახლა სამსახიობო სამყაროში დგამს პირველ ნაბიჯებს. დევასთან ერთად, მონიკასა და ვინსენტს კიდევ ერთი ქალიშვილი ლეონ კასელი ჰყავთ.

ეფლ მარტინი

ეფლი მსახიობ გვინეთ პელტროუსა და მომღერალ ქრის მარტინის უფროსი ქალიშვილია. წყვილი 10 წელი იმყოფებოდა ქორწინებაში (2003-2016). 2004 წლის 14 მაისს მათ ეფლი შეეძინათ, 2006 წელს კი მოსეს მარტინი. ეფლის უჩვეულო სახელმა მისი დაბადებისთანავე მედიის ყურადღება მიიპყრო. მიუხედავად იმისა, რომ ბავშვობაში მას დიდწილად საზოგადოებრივი ყურადღებისგან იცავდნენ, ბოლო პერიოდში იგი უკვე ჩნდება მაღალი რანგის ღონისძიებებზე და სამოდელო კარიერასაც მიყვება.

ლილი-როუზ დეპი

ლილი მსახიობ ჯონი დეპისა და მომღერლის, მოდელისა და მსახიობის ვანესა პარადის უფროსი ქალიშვილია. ჯონი და ვანესა ოფიციალურ ქორწინებაში არ ყოფინალ, თუმცა 14 წელი იყვნენ ერთად, 1998-დან 2012 წლამდე. ლილი 1999 წლის 27 მაისს დაიბადა. წყვილს ლილის შემდეგ მეორე შვილი ჯეკ დეპი შეეძინა. ჯერ კიდევ პატარა ასაკიდან ლილი-როუზი ჩანელის ამბასადორი გახდა, ამასთან ერთად კი დედის კვალს მიყვება, გახდა მოდელი, მსახიობი და შესანიშნავად მღერის კიდეც.

ლილი კოლინზი

ლილი მომღერალ ფილ კოლინზისა და მსახიობ ჯილ თაველმანის ქალიშვილია. წყვილი 12 წელი იმყოფებოდა ქორწინებაში და მხოლოდ ერთი შვილი, ლილი ჰყავთ, რომელიც 1989 წლის 18 მარტს დაიბადა. ლილი სამსახიობო კარიერას გაყვა და ცნობილია სერიალ ,,Emily in Paris”-ში შესრულებული როლით.

რომეო ბექჰემი

რომეო ცნობილი ფეხბურთელის დევიდ ბექჰემისა და მომღერლისა და მოდის დიზაინერის ვიქტორია ბექჰემის შვილია. დევიდი და ვიქტორია ერთ-ერთი ყველაზე ცნობილი და ყველასთვის საყვარელი წყვილია, რომელმაც 1999 წელს იქორწინა. რომეო 2002 წლის 1 სექტემბერს დაიბადა. ცნობილი წყვილის ვაჟი როგორც მამის, ისე დედის პროფესიას მიყვება და ბედი როგორც ფეხბურთში ისე მოდაშიც სცადა. რომეოსთან ერთად, ვარსკვლავურ წყვილს კიდევ 3 შვილი – ბრუკლინი, კრუზი და ჰარპერი ჰყავს.

ჯეიდენ სმიტი

ჯეიდენი მსახიობ უილ სმიტისა და ბიზნესვუმენისა და მსახიობ ჯადა პინკეტ სმიტის შვილია. უილი და ჯადა 1997 წელს დაქორწინდნენ და დღემდე ერთად არიან. ჯეიდენი 1998 წლის 8 ივლის დაიბადა, მის გარდა კი წყვილს კიდევ 1 საერთო შვილი უილოუ სმიტი ჰყავს, რომელიც ჯეიდენის მსგავსაც მომღერალია. ჯეიდენი არა მხოლოდ მომღერალი და რეპერი, არამედ მსახიობიცაა. ჯეიდენმა მამასთან ერთად ითამაშა ფილმში „The Pursuit of Happyness“, მოგვიანებით კი მთავარი როლი შეასრულა „The Karate Kid“-ის რიმეიქში. იგი ასევე ცნობილია გენდერულად თავისუფალი ჩაცმის სტილით.

მაია ჰოუკი

მაია ცნობილი მსახიობის ითან ჰოუკისა და მსახიობ და ფოტომოდელი უმა თურმანის ქალიშვილია. წყვილი 7 წელი იმყოფებოდა ქორწინებაში (1998-2005). მაია 1998 წლის 8 ივლის დაიბადა და ამჟამად მშობლების კვალს მისდევს. მაია ცნობილია სატელევიზიო სერიალ ,,უცნაური ამბებში” შესრულებული როლით, მაგრამ ამასთან ერთად, ის მუსიკალურ კარიერასაც მისდევს. მაიასთან ერთად ითანსა და უმას კიდევ ერთი საერთო შვილი ლევონ ჰოუკი ჰყავთ.

ზოი კრავიცი

ზოი ამერიკელი მომღერლის ლენი კრავიცისა და მსახიობ ლისა ბონეტის ქალიშვილია. წყვილი 6 წელი, 1987 წლიდან 1993 წლამდე იყო ქორწინებაში და ზოი მათი ერთადერთი საერთო შვილია, რომელიც 1988 წლის 1 დეკემბერს დაიბადა. ზოი წარმატებულ სამსახიობო და სამოდელო კარიერას მისდევს. მან ფილმ „ბეტმენში“ ქალი-კატის როლიც შეასრულა.

მარგარეტ ქუელი

მარგარეტი მსახიობისა და მოდელის ენდი მაკდაუელისა და ასევე მოდელი პოლ ქუელის ქალიშვილია. წყვილი 13 წელი იყო ქორწინებაში (1986-1999). მარგარეტი 1994 წლის 23 ოქტომბერს დაიბადა და ორი დედმამიშვილი ჰყავს- ჯასტინ და რეინი ქუელები. ენდიმ და მარგარეტმა ფილმ მოსამსახურეში ერთად ითამაშეს.

აირის ლოუ

აირისი მსახიობ-დიზაინერი სეიდი ფროსტისა და მსახიობ-პროდიუსერ ჯუდ ლოუს ქალიშვილია. წყვილი ქორწინებაში 6 წელი იმყოფებოდა (1997-2003) და აირისთან ერთად კიდევ ორი შვილი ჰყავთ. აირისი 2000 წლის 25 ოქტომბერს დაიბადა და დღეს სამოდელო კარიერას მიყვება.