ახალგაზრდა მსახიობებს ფილმებსა თუ სერიალებში საქორწინო კაბის მორგება ხშირად უწევთ, თუმცა ზოგი ამ მხრივ ნამდვილი რეკორდსმენია. გადავწყვიტეთ, გიამბოთ ჰოლივუდის ვარსკვლავებზე, რომლებმაც კინოში ყველაზე მეტი პატარძალი განასახიერეს
ჯენიფერ ლოპესი
„თუ დედამთილი ურჩხულია“ (Monster in Law) – რომანტიკული კომედია ახალგაზრდა ქალზე, რომელმაც როგორც იქნა, იდეალური მამაკაცი იპოვა, თუმცა შარლოტას მომავალი დედამთილი – ეჭვიანი და ძალაუფლების მოყვარული ქალი შვილის დათმობას არ აპირებს და რძლის წინააღმდეგ ნამდვილ ომს იწყებს.
„ქორწილის ორგანიზატორი“ (The Wedding Planner) – წარმატებული ივენთ-მენეჯერი მერი ფიორე სხვების ბედნიერებას გეგმავს, თუმცა მისი პირადი ცხოვრება იდეალურისგან შორსაა. მერი სიმპათიურ ექიმს გაიცნობს და შეუყვარდება, თუმცა არ იცის, რომ ეს მამაკაცი მისი ახალი კლიენტის საქმროა.
ზემოთხსენებული ფილმების გარდა, J.Lo – მ პატარძლის როლი კიდევ რამდენიმე ფილმში შეასრულა: „არასწორი ქორწილი“, „პირველი შემხვედრი“ „დაქორწინდი ჩემზე“, „სელენა“ და „სათადარიგო გეგმა“.
ენ ჰეთეუეი
ფილმი „პატარძლების ომი“ (Bride Wars) ორ საუკეთესო მეგობარზე გვიამბობს, რომლებიც ბავშვობიდან ერთსა და იმავე სასტუმროში, იდეალურ ქორწილზე ოცნებობენ. სასტუმროს ადმინისტრაციის შეცდომის გამო, ორივე ცერემონია ერთ დღეს ინიშნება. მხარდაჭერის ნაცვლად, პატარძლებს შორის მეტოქეობა იწყება, რომელიც თანდათან ნამდვილ „ომში“ გადადის.
სხვა ფილმები, სადაც ენ ჰეთეუეიმ პატარძალი ითამაშა: „რეიჩელი თხოვდება“, „პრინცესას დღიურები 2: როგორ გავხდეთ დედოფალი“, „მოჯადოებული ელა“.
ჯულია რობერტსი
ფილმში „გაქცეული პატარძალი“ ჟურნალისტი აიკი, რომლის როლსაც რიჩარდ გირი ასრულებს, წერს სტატიას მეგი კარპენტერზე (ჯულია რობერტსი), რომელიც საკურთხევლიდან რამდენჯერმე გაიქცა. სიმართლის გასარკვევად აიკი მეგის მშობლიურ ქალაქში ჩადის. მორიგი ქორწილის სამზადისის დროს, ჟურნალისტსა და მეგის შორის გრძნობა ჩნდება, რაც ორივეს გეგმების შეცვლას აიძულებს.
სხვა ფილმები, სადაც პატარძალი ითამაშა: „ფოლადის მაგნოლიები“.
კეიტ ჰადსონი
„ნაქირავები საქმრო“ (Something Borrowed) 2011 წლის რომანტიკული კომედიაა, სადაც მთავარ როლებს ასრულებენ ჯენიფერ გუდვინი, ქეით ჰადსონი და ჯონ კრასინსკი. ფილმი გადაღებულია ემილი გიფინის ამავე სახელწოდების წიგნის მიხედვით. კეიტ ჰადსონი განასახიერებს დარსის, რომელიც მთავარი გმირის, რეიჩელის (ჯენიფერ გუდვინი) საუკეთესო მეგობარია.
ფილმი სასიყვარულო სამკუთხედის შესახებ გვიამბობს, სადაც რეიჩელს დარსის საქმრო, დექსი (ჯონ კრასინსკი), სწორედ ქორწილის წინ შეუყვარდება.
სხვა ფილმები, სადაც პატარძალი ითამაშა: „პატარძლების ომი“, „ის, მე და მისი მეგობრები“.
რიზ უიზერსპუნი
ფილმში „ქერათმიანი ადვოკატი 2“ რიზ უიზერსპუნის გმირი ელ ვუდსი ვაშინგტონში გადადის, რათა ცხოველთა დაცვის შესახებ კანონის მიღებას მიაღწიოს. პოლიტიკური ინტრიგებისა და სკეპტიციზმის მიუხედავად, ის ამტკიცებს, რომ მიზანდასახულობას, ოპტიმიზმსა და საკუთარი თავის რწმენას სისტემის შეცვლა შეუძლია.
სხვა ფილმები, სადაც პატარძალი ითამაშა: „Sweet Home Alabama – ტკბილი სახლი“, „დიდი პატარა ტყუილები“.
კირა ნაითლი
„ჰერცოგინია“ – ისტორიულ დრამაში, მსახიობის გმირი – ჯორჯიანა სპენსერი ახალგაზრდა, ჭკვიანი, მხიარული გოგონა გრაფ დევონშირს მიყვება ცოლად და ჰერცოგინია გახდება. მას აქვს ყველაფერი, რაზეც ნებისმიერი ქალი ოცნებობს, გარდა ერთისა… ის ნამდვილ სიყვარულს ვერ პოულობს, მარტოობითა და რთული ურთიერთობებით იტანჯება და ცდილობს პირადი ბედნიერება XVIII საუკუნის მკაცრი წესების პირობებში იპოვოს.
ფილმები, სადაც პატარძალი ითამაშა: „რეალური სიყვარული“, „კარიბის ზღვის მეკობრეები: მკვდრის სკივრი“.
ასევე დაგაინტერესებთ
#OK! ჰოლივუდის ვარსკვლავები, რომლებმაც პლასტიკურ ქირურგიაზე უარი თქვეს
