ბევრისთვის ნაძვის ხის მორთვა ახალი წლისთვის მზადების ყველაზე სასიამოვნო ნაწილია, თუმცა, ახალი წლის არდადეგები მალე დასრულდება, ამიტომ სადღესასწაულო დეკორაციების გატანის დრო ახლოვდება. არსებობს დღეები, რომლებსაც განსაკუთრებული ენერგია და სიმბოლური მნიშვნელობა აქვთ, ამიტომ ითვლება, რომ ნაძვის ხის არასწორ დროს დაშლას წლის განწყობაზე, ბიზნესში წარმატებასა და ოჯახურ კეთილდღეობაზე გავლენის მოხდენა შეუძლია.
ძველად ხალხს სჯეროდა, რომ ახალი წლის სიმბოლო სახლს დადებითი ენერგიით ავსებს და 14 იანვრამდე არ უნდა გავიტანოთ. ამ დროისთვის შეგვიძლია ვთქვათ, რომ ნაძვის ხემ უკვე შეასრულა თავისი ძირითადი მოვალეობა, ამიტომ ოჯახები მის დაშლას და ნათლისღებისთვის მზადებას იწყებენ.
ასტროლოგები აღნიშნავენ, რომ სახლის დალაგება სასურველია მილევადი მთვარის დროს. 2026 წელს ეს პერიოდი 8 იანვარს დაიწყება. ასე რომ, ნაძვის ხის დაშლა 8 იანვრიდან თვის ბოლომდე შესაძლებელია.
ფენ-შუის ოსტატებს ამასთან დაკავშირებით საკუთარი მოსაზრებები აქვთ. ისინი ამბობენ, რომ ნაძვის ხის დაშლისთვის კონკრეტული თარიღი არ არსებობს, თუმცა მნიშვნელოვანია, რომ პროცესი ძალიან არ გავაჭიანუროთ, რადგან ახალი წლის სიმბოლოს დიდი ხნით დატოვება ენერგიის სტაგნაციას იწვევს.
„ენერგიის სტაგნაცის დროს საქმეებში პროგრესის მიღწევა რთულდება. ეს მაშინ ხდება, როდესაც სახლიდან ძველი ნივთების გატანა ან ნაძვის ხის დაშლა ჭიანურდება“– განმარტავენ ისინი.
ფენ შუის ოსტატების აზრით, 2026 წლის იანვარში სივრცის გასუფთავებისთვის ხელსაყრელი დღეებია 16 იანვარი და
28 იანვარი.
ეს დღეები ხელსაყრელია ბინიდან უსარგებლო ნივთების გატანის, სივრცის გათავისუფლებისა და სახლში განახლებული ენერგიის შემოდინებისთვის. ითვლება, რომ ასეთი ცვლილებები ცხოვრებაში დადებით ცვლილებებს ხელს უწყობს.
ამ პერიოდში ხელსაყრელი ენერგეტიკული ფონი ხელს უწყობს ცუდი ჩვევებისგან თავის დაღწევას და ასევე ზრდის კოსმეტიკური პროცედურების ეფექტურობას. ამ დღეების პოტენციალის გამოყენება შესაძლებელია პიროვნული ცვლილებებისა და თვითგანვითარებისთვის.
ასევე დაგაინტერესებთ
#OK! 2026 წლის ფინანსური ჰოროსკოპი ზოდიაქოს ყველა ნიშნისთვის
