რობინ რიანა ფენტიმ გასული ათწლეულის განმავლობაში მნიშვნელოვანი ზეგავლენა მოახდინა ამერიკულ კულტურაზე, როგორც მუსიკალურ ინდუსტრიაში, სილამაზისა და მოდის სამყაროში მიღწეული წარმატებით, ასევე ჰუმანიტარული საქმიანობით. თაობის ერთ-ერთი ყველაზე გავლენიანი მომღერალი, მსახიობი, ბიზნესვუმენი და დიზაინერი მსოფლიოს ყველაზე მდიდარი ქალი მუსიკოსია. 2022 წელი რიანასთვის ძალიან მნიშვნელოვანი იყო მუსიკალური კარიერის მხრივ, რადგან რამდენიმეწლიანი პაუზის შემდეგ ინდუსტრიას ახალი სინგლით Lift Me Up-ით დაუბრუნდა.
2023 წელი ვარსკვლავისთვის ხმაურიანად დაიწყო. Super Bowl-ის პერფორმანსზე, შვიდწლიანი პაუზის შემდეგ რიანამ სცენაზე იმღერა და პარალელურად საზოგადოებას მეორე შვილის შესახებ ახალი ამბავი გაუზიარა. ვარსკვლავი მეგობარ მამაკაცთან რეპერ Asap Rocky-ისთან ერთად მეორე შვილს ელოდება. 13 წუთიან პერფორმანსში მომღერალმა Umbrella-დან Diamonds-ამდე არსებული ყველა ჰიტი შეასრულა. შოუ არიზონში, Glendale-ში გაიმართა. რიანას პერფორმანსის დროს ეცვა Loewe და Alaia.
