OK! გთავაზობთ რამდენიმე რჩევას, რომელთა გათვალისწინება ხელს შეგიწყობთ იყოთ მუდამ ლამაზი და ჯანმრთელი. მეცნიერებმა დაადგინეს, რომ აქტიური ცხოვრების მქონე ადამიანები, რომლებიც ცდილობენ მუდმივად მოუარონ საკუთარ თავს, უფრო მეტად შრომისუნარიანები და კარგი განწყობის მქონენი არიან, რაც განაპირობებს მათ თავდაჯერებულობას. ამდენად, სპეციალისტების მიერ გაცემული რჩევების გათვალისწინება ჩვენზე დადებითად აისახება.
ფეხით სეირნობა
ექიმები გვირჩევენ რაც შეიძლება დიდ ხანს ვისეირნოთ ფეხით, რადგან იგი უზრუნველყოფს გულის ნორმალურ ფუნქციონირებას, ძვლებისა და კუნთების ჯანმრთელობას, განწყობის გაუმჯობესებასა და წონის კონტროლს. კვირაში რამდენიმე საათი სეირნობა ხელს უწყობს ადამიანს დაიკლოს ზედმეტი კილოგრამები. შედეგად კი იგი უფრო თავდაჯერებულია.
სწორი კვება
სპეციალისტების თქმით, რასაც მივირთმევთ, იმის შესაბამისად გამოვიყურებით. ამდენად, ძალიან მნიშვნელოვანია, მივაქციოთ ყურადღება საკვების ხარისხს და მივიღოთ მხოლოდ ის, რაც ჩვენს ორგანიზმს არ ავნებს და საჭირო ვიტამინებით შეავსებს.
დამამშვიდებელი გელის მოხმარება
ქვედა კიდურების სილამაზისა და ჯანმრთელობისთვის, ექსპერტები გვირჩევენ დამამშვიდებელი გელის მოხმარებას. ამდენად, ამ რჩევის გათვალისწინება დაგვეხმარება ჯანმრთელი და ლამაზი ქვედა კიდურების შენარჩუნებასა და ზედმეტი დისკომფორტის მოხსნაში.
