კრუიზები არის პროდუქტი, რომელიც უფრო და უფრო პოპულარული და მოთხოვნადი ხდება საქართველოში. ძალიან ბევრს ვშრომობთ და დიდ რესურსს ვხარჯავთ იმისათვის, რომ მოგზაურობამდე საზოგადოებას მივაწოდოთ ის საჭირო ინფორმაცია, რომელიც ადამიანებს დაეხმარება სწორი დასკვნების გამოტანაში, თუ რამდენად ერგება მსგავსი ტიპის მოგზაურობა თითოეული მათგანის სურვილებს და ვცდილობთ სწორად ავხსნათ, რომელი პროდუქტია და რა მიმართულებით მიმდინარეობს მსგავსი მოგზაურობა.
კრუიზებზე არსებობს ბევრი ლეგენდა და მცდარი შეხედულება, რომელსაც შეცდომაში შეჰყავს მოგზაური. მაგალითად, ბევრს ჰგონია, რომ კრუიზებით მხოლოდ ასაკში შესული ადამიანები მოგზაურობენ. სინამდვილეში, არსებობს უამრავი გემი, რომელიც ერგება სხვადასხვა ტიპისა და ასაკის ადამიანს.
გემებზე, რომლებიც გათვლილია 7 000-10 000 ადამიანზე, წარმოდგენილია უამრავი ბარი, რესტორანი, ჯაზ-ბარი, გასართობი დაწესებულება, კლუბი, თეატრი, კაბარე, ატრაქციონი და სხვა. შესაბამისად, მსგავსი საკრუიზო გემები ერგება ნებისმიერი ტიპის მომხმარებელს და აკმაყოფილებს ყველა მათგანის სურვილებსა და მოთხოვნებს.
კრუიზების კიდევ ერთი დადებითი მხარე არის ის, რომ მოკლე დროში შესაძლებელია რამდენიმე ქალაქის მონახულება. მაგალითად, ერთი კვირის განმავლობაში 5-6 ქალაქში სტუმრობა.
კრუიზები დილით შედიან ერთ პორტში. მაგალითად რომ ავიღოთ, კლასიკური ხმელთაშუა ზღვის კრუიზი, რომლის მიმართულებაც არის იტალია-საფრანგეთი-ესპანეთი, კრუიზი სათავეს იღებს გენუიდან. როდესაც დაიძვრება გემი, გადადის ბარსელონაში, სადაც გექნებათ თავისუფალი დრო, დაათვალიერებთ ქალაქს, გადაიღებთ ფოტოებს, მოინახულებთ იმ საინტერესო ადგილებს, რომელთა ნახვაც წინასწარ დაგეგმეთ. საღამოს დაბრუნდებით გემზე, საიდანაც ის უკვე სხვა მიმართულებით დაიძვრება და ამ პერიოდში შეძლებთ იმ ბარებით, რესტორნებით, კაბარეებით, თეატრებით, კლუბებითა და სხვადასხვა დაწესებულებით ისარგებლოთ და მიიღოთ სიამოვნება, რომლებიც წარმოდგენილია გემზე. ეს ყველაფერი იძლევა იმის საშუალებას, რომ მოკლე პერიოდში დაათვალიეროთ ბევრი ქალაქი, კარგად გაერთოთ და მიიღოთ მაქსიმალური სიამოვნება ახალი გამოცდილებით.
რაც შეეხება საფასო კატეგორიას, საზოგადოება ფიქრობს, რომ კრუიზები ძალიან მაღალბიუჯეტური პროდუქტია. სინამდვილეში ესეც მცდარი შეხედულებაა, რადგან წინასწარ დაგეგმვის შემთხვევაში, მოქმედებს უამრავი აქცია, რომლის მიხედვითაც საკმაოდ მისაღებ ფასად შესაძლებელია დაიგეგმოს მრავალფეროვანი, ხუთვარსკვლავიან ლაინერზე კრუიზით მოგზაურობა და მომხმარებელმა მიიღოს ახალი, დაუვიწყარი გამოცდილება.
Travelfy კი რა თქმა უნდა გვაძლევს იმის საშუალებას, რომ კრუიზების მიმართულებით მომხმარებლისთვის უამრავი ტოპ-კომპანია იყოს შეთავაზებული და მოგზაურთა სურვილებს მაქსიმალურად მოერგოს.
