ქეით მიდლტონმა და მისმა ქალიშვილმა, პრინცესა შარლოტამ მონაწილეობა მიიღეს ყოველწლიურ საშობაო კონცერტში „ერთად შობას“, რომელიც ვესტმინსტერის სააბატოში გაიმართა – ამის შესახებ ინფორმაციას Daily Mail ავრცელებს.
უელსის პრინცესამ და მისმა ქალიშვილმა ფორტეპიანოზე დუეტით, ერლანდ კუპერის Holm Sound შეასრულეს. 43 წლის ქეითს ლურჯი ხავერდის კაბა ეცვა, ხოლო მის 10 წლის ქალიშვილს ლურჯი ზედატანი და კუბოკრული ქვედაბოლო.
აღსანიშნავია, რომ ეს არ არის პირველი შემთხვევა, როდესაც ქეითმა თავისი მუსიკალური ნიჭი საჯაროდ გამოავლინა. 2021 წელს ის საშობაო კონცერტზე, შოტლანდიელ მომღერალ ტომ უოკერთან ერთად სცენაზე გამოვიდა და ფორტეპიანოზე „For Those Who Can’t Be Here“ შეასრულა.
მკურნალობის დასრულების შემდეგ ქეით მიდლტონი საჯარო სივრცეში სულ უფრო ხშირად ჩნდება. შეგახსენებთ, რომ მან 2024 წლის 17 იანვარს კენსინგტონის სასახლემ გაავრცელა ინფორმაცია, რომ ქეით მიდლტონს ლონდონის ერთ-ერთ კლინიკაში მუცლის ღრუს გეგმური ოპერაცია ჩაუტარდა. მოგვიანებით, თავად პრინცესამ ვიდეომიმართვაში აღნიშნა, რომ პოსტოპერაციულმა კვლევებმა სიმსივნის არსებობა გამოავლინა და ექიმების რჩევით, პრევენციული ქიმიოთერაპიის კურსი დაიწყო. 2024 წლის განმავლობაში ქეითი მკურნალობის კურსს გადიოდა, რის გამოც საჯარო აქტივობებისგან თავს იკავებდა. პრინცესამ ქიმიოთერაპიის კურსი 2024 წლის ბოლოს დაასრულა, 2025 წლის იანვარში კი ცნობილი გახდა, რომ მისი ჯანმრთელობის მდგომარეობა გაუმჯობესდა და დაავადება რემისიის ფაზაში გადავიდა. 2025 წლის გაზაფხულიდან ქეით მიდლტონი თანდათან საჯარო ცხოვრებას დაუბრუნდა.
Посмотреть эту публикацию в Instagram
გასულ კვირას პრინცმა უილიამმა და ქეით მიდლტონმა Instagram-ზე გამოაქვეყნეს ფოტო, რომელიც აპრილში, ნორფოლკში ფოტოგრაფმა ჯოშ შინერმა გადაიღო. ფოტოზე სამეფო წყვილი პრინც ჯორჯთან, პრინცესა შარლოტასთან და პრინც ლუისთან ერთად მოჩანს.
„ყველას ბედნიერ შობას ვუსურვებთ“ – ვკითხულობთ ფოტოს ქვეშ.
ასევე დაგაინტერესებთ
#OK! Vogue -მა ქეით მიდლტონი 2025 წლის ყველაზე მოდურ ცნობილ ადამიანად აღიარა
