ისინი ჰოლივუდში ერთ-ერთ მყარ წყვილად მიაჩნდათ, თუმცა 19 წლიანი თანაცხოვრების შემდეგ 58 წლის ნიკოლ კიდმანი და 57 წლის კიტ ურბანი ერთმანეთს დაცილდნენ. ამ სამწუხარო მოვლენის შემდეგ მედიისთვის ცნობილი გახდა, რომ წყვილს უჩვეულო საქორწინო ხელშეკრულება აკავშირებდა, რომელშიც ორი ვარსკვლავი ერთ საინტერესო მუხლზე შეთანხმდა.
ახლა ყველაზე საინტერესოა, მიიღებს თუ არა მომღერალი თავისი 11 მილიონ დოლარს იმისთვის, რომ ნიკოლთან ცხოვრების დროს… სიფხიზლეს ინარჩუნებდა? დიახ, საქორწინო ხელშეკრულებაში ნამდვილად არსებობს პუნქტი, რომელსაც ალკოჰოლზე და ნარკოტიკებზე უარის თქმისთვის იმაზე დიდი შემოსავალი მოაქვს, ვიდრე სცენაზე დგომასა და სიმღერას.
საქორწინო კონტრაქტი, როგორც სტიმული
წარმოიდგინეთ, 2006 წელს ორი შეყვარებული ადამიანი ქორწილისთვის ემზადება. პატარძალს ანგარიშზე 250 მილიონი დოლარი აქვს, საქმროს კი ფულზე მეტი ალკოჰოლთან და ნარკოტიკებთან დაკავშირებული პრობლემები.
ნიკოლი დარწმუნებული იყო, რომ ვითარების შეცვლას და საყვარელი ადამიანის გადარჩენას შეძლებდა, მაგრამ უბრალოდ „არ დალიო, ძვირფასოს“ ნაცვლად, ბევრად უფრო დამაჯერებელი არგუმენტი შესთავაზა – „არ დალიო და მილიონებს მიიღებ“.
ფაქტობრივად, კიდმანმა ურბანისთვის ერთგვარი ერთგულების პროგრამა შექმნა – სიფხიზლის ყოველ წელს 600 ათასი დოლარი მომავალი განქორწინების ანგარიშზე. თუ 19 წელი ალკოჰოლისა და ნარკოტიკების გარეშე გაძელით, გილოცავთ 11 მილიონი მოიგეთ! როგორც ხედავთ, ნიკოლის „სიფხიზლის პუნქტი“ დამოკიდებულების წინააღმდეგ ბრძოლაში ერთ-ერთი ყველაზე კრეატიული მიდგომაა.
წყაროები ამტკიცებენ, რომ კიდმანმა საქორწინო ხელშეკრულებაში უჩვეულო პუნქტის დამატება ქორწილიდან ოთხი თვის შემდეგ მოითხოვა. ალბათ მიხვდა, რომ მუსიკოსის დამოკიდებულებასთან საბრძოლველად მხოლოდ სიტყვები არ საკმარისი არ იყო და ფინანსური მოტივაცია იყო საჭირო.
„ძვირფასო, ან რეაბილიტაციის ცენტრში წადი ან დაივიწყე შენი მომავალი მილიონები“ — ბევრად უფრო დამაჯერებლად ჟღერს, ვიდრე ჩვეულებრივი „ეს ჩვენს ოჯახს ანგრევს“.
ასე რომ, დღეს კიტ ურბანს სრული უფლება აქვს თავისი 11 მილიონი დოლარი მოითხოვოს.
მუსიკოსის რთული არჩევანი
ახლა, როცა ქორწინება დასრულდა, კიტი რთული არჩევანის წინაშეა. ერთი მხრივ, მან ეს ფული მან ნამდვილად დაიმსახურა – შოუბიზნესში, სადაც ყოველი ფეხის ნაბიჯზე ცდუნებაა, 19 წელი სიფხიზლე იოლი არაა. ამასთან, 11 მილიონი დოლარი მხოლოდ თავშეკავებისთვის ცუდი ანაზღაურება ნამდვილად არ არის.
მეორე მხრივ, უხერხულია ფულის მოთხოვნა იმ ქალისთვის, რომელმაც სიკვდილისგან გიხსნა. ეს დაახლოებით ასე ჟღერს:
„ძვირფასო, მადლობა, რომ ნარკოტიკების ჯოჯოხეთიდან ამომიყვანე და ახლა, ხელშეკრულების პირობების თანახმად, 11 მილიონი დოლარი უნდა გადამიხადო.“
ჰოლივუდისთვისაც კი ძალიან ცინიკურად ჟღერს, თუმცა ხელშეკრულება ხელშეკრულებაა..
ინსაიდერები ამტკიცებენ, რომ ურბანი თანხის მიღებაზე უარს იტყვის, რადგან მადლიერება ფულზე მეტია, მაგრამ გამორიცხული არაფერია..
ეს ამბავი შესანიშნავად ასახავს ჰოლივუდის დამოკიდებულებას ურთიერთობებისადმი – თუ პრობლემა არსებობს, ის იურიდიულად უნდა გაფორმო და ფასი უნდა დაადო.
ეჭვიანობ? ჩაწერე კონტრაქტში ჯარიმა ფლირტისთვის.
ხვრინავ? გადაიხადე ცალკე საძინებლისთვის.
დამოკიდებულებას ებრძვი? მიიღე ფული სიფხიზლისთვის. ჰოლივუდში, სადაც ყველაფერს თავისი ფასი აქვს, სიფხიზლე ერთ-ერთ ყველაზე ძვირადღირებულ „აქტივად“ იქცა.
ნიკოლის ხერხმა ნამდვილად გაამართლა – კიტ ურბანი თითქმის 20 წელია, სიფხიზლეს ინარჩუნებს, წყვილს ორი შვილი ჰყავს და განქორწინებაც მშვიდად და სკანდალების გარეშე მიმდინარეობს.
ეს ის იშვიათი შემთხვევაა, როცა ფინანსური მოტივი ძალიან შედეგიანი აღმოჩნდა, თუმცა 11 მილიონი მაინც ბევრ კითხვას აჩენს – იქნებ 24-საათიანი ფსიქოთერაპევტის დაქირავება უფრო იაფი გამოსავალი იყოს?
ასეა თუ ისე, ახლა კიტ ურბანმა უნდა გადაწყვიტოს გახდეს ადამიანი, რომელმაც მადლიერება 11 მილიონ დოლარს ამჯობინა, თუ აიღოს ფული, რომელიც თავისი სიფხიზლით პატიოსნად გამოიმუშავა.
ნებისმიერ შემთხვევაში, ეს ამბავი სამუდამოდ დარჩება ჰოლივუდის არქივებში, როგორც საქორწინო ხელშეკრულების მიმართ გამოჩენილი ერთ-ერთი ყველაზე კრეატიული მიდგომა.
ასევე დაგაინტერესებთ
#OK! ალკოჰოლი, ნარკოტიკები და განქორწინება – რატომ დაინგრა ნიკოლ კიდმანის „იდეალური ოჯახი“?
