„ნეკოსია“ ქართული ბრენდია, რომელიც თავის აქსესუარებში აქსოვს უსაზღვრო სითბოსა და სიყვარულს. მისი პროდუქცია გამოირჩევა უმაღლესი ხარისხით, დახვეწილი სტილითა და საზოგადოების მხრიდან მოთხოვნადობით როგორც საქართველოში, ისე მის გარეთ. დეტალური ინფორმაციისთვის OK! გაესაუბრა „ნეკოსიას“ შემქმნელს, თამო მერლანს.
გვესაუბრეთ „ნეკოსიას“ შექმნის შესახებ.
რამდენიმე წლის წინ, ბისერებით ქარგვის შესწავლა დავიწყე, რათა ჩემი შვილისთვის შემექმნა ლამაზი და განსხვავებული აქსესუარები, გამეფორმებინა მისი სამოსი… ნამუშევრებს ფეისბუქზე ვუზიარებდი მეგობრებს და იმდენად დიდ და გულწრფელ მოწონებას იმსახურებდა, იმდენად ერთსულოვანი იყო რჩევა სხვებისთვისაც დამემზადებინა, რომ ყოველგვარი სამომავლო ამბიციის გარეშე, ამ შეძახილებით შეგულიანებულმა, შევქმენი ფეისბუქგვერდი. სახელზე ბევრი არც მიფიქრია. ჩემი ცხოვრების მთავარი ადამიანის − ჩემი შვილის, ნეკოს სახელი იქცა ბრენდად. ასე დაიბადა „ნეკოსია“…
რა სახის პროდუქციას სთავაზობთ მომხმარებლებს?
გვაქვს ყელსაბამები, სამაჯურები, საყურეები, რომლებიც მზადდება ნატურალური ქვებისგან, მარგალიტებისგან, ანტიალერგიული და უჟანგავი მეტალის დეტალებით.
მთავარი ნიშა, რომელიც თქვენს კომპანიას გამოარჩევს…
„ნეკოსიამ“ მცირე დროში დაიმსახურა ხალხის ნდობა და სიყვარული. ამის მთავარი მიზეზი, მაინც მგონია, რომ ის გულწრფელობაა, რომლითაც განწყობილი ვარ თითოეული მომხმარებლის მიმართ.
მნიშვნელოვანი გადაწყვეტილების მიღებამდე, ვკითხულობ საჯაროდ რჩევას ჩვენს გვერდზე, მაინტერესებს იმ ადამიანების აზრი, რომლებმაც მომავალში უნდა ატარონ სამკაული, ვუზიარებ მათ ჩემს გეგმებს და დელიკატური საკითხებიც არაერთხელ განმიხილავს საჯაროდ.
ვქმნი დიდი სითბოთი, იმიტომ, რომ ჩემთვის ყველაზე ძვირფასის − შვილის სიყვარულით ვარ სავსე და მის სახელთან მინდა ყველაფერი ლამაზი და სასიამოვნო იყოს ასოცირებული. განსაკუთრებული სიხარული და მოტივაციაა ისიც, რომ „ნეკოსიები“ მთელ მსოფლიოში მოგზაურობენ. ყველაზე ამაყი ვარ, როცა უცხოელებს ჩუქნიან და მათ ეძლევათ საშუალება, ნახონ ჩანთაზე დატანილი საქართველოს რუკა და ტექსტი: „ჩემი ქვეყნის 20% ოკუპირებულია რუსეთის მიერ“.
სად შეუძლია მომხმარებელს თქვენი პროდუქციის შეძენა?
ჯერჯერობით, მხოლოდ ონლაინსივრცეში ვართ, ფეისბუქსა და ინსტაგრამზე: ნეკოსია/Nekosia
სამომავლო გეგმები…
მაღალი მოთხოვნისა და ბაზარზე არსებულთან შედარებით მისაღები ფასების გამო, ვგეგმავდი გაფართოებას და მაღაზიის გახსნას, თუმცა პანდემიამ ონლაინმომსახურებაზე უფრო გაზარდა მოთხოვნა. ამ ეტაპისთვის, ვცდილობ ნაკეთობების გამრავალფეროვნებას და თავად მომხმარებლების ჩართვას შექმნის პროცესში.
