სილამაზის ინდუსტრია დღითიდღე ფართოვდება, ცნობილი ადამიანები იყენებენ კავშირებს საკუთარი სამოსის, კოსმეტიკური და სილამაზის ბრენდების შესაქმნელად. კონკურენტუნარიან ბაზარზე, რომელიც გამუდმებით იზრდება და ვითარდება, რთულია ისეთი პროდუქცია შესთავაზო მომხმარებელს, რომელიც სხვა ბრენდებისგან რადიკალურად გამოირჩევა. სილამაზის ინდუსტრიაში ვარსკვლავების დიდი ნაწილია ჩართული, მათ შორის ერთ-ერთი ყველაზე პოპულარული ლედი გაგას Haus Laboratories, სელენა გომეზის Rare Beauty, კაილი ჯენერის Kylie Cosmetics და რობინ რიანა ფენტის Fenty Beauty-ია. ეს იმ ვარსკვლავების მცირე ჩამონათვალია, რომლებმაც საკუთარი კოსმეტიკური ხაზი გამოუშვეს და სილამაზის ბრენდი ჩამოაყალიბეს. აღნიშნულ ვარსკვლავთა რიცხვს ბრედ პიტიც შეემატა. მსახიობმა საკუთარი კოსმეტიკური ბრენდი Domain შექმნა, რომლის ინსპირაციაც ყოფილი მეგობარი ქალის, გვინეტ პელტროუსგან მიიღო. პროდუქტების ფასი 75 დოლარიდან იწყება და 400 დოლარამდე აღწევს.
