#OK! ნასტასია ლეგრან ბაბლუანი Valentino-ს და Dior-ის Haute Couture ჩვენებაზე

ქართველი-ფრანგი მოდელი ნასტასია ლეგრან ბაბლუანი 2026 წლის Valentino-სა და Dior-ის Haute Couture ჩვენებაზე გამოჩნდა. 2025 წლის დებიუტის შემდეგ, ნასტასია კვლავ მსოფლიო მოდის ყურადღების ცენტრშია.

ყველასთვის საყვარელ მატილდა გვარლიანთან ერთად, ახალბედა მოდელი ნასტასია ლეგრან ბაბლუანი პარიზის მოდის კვირეულს ქართულ-ფრანგული სილამაზით იპყრობს.

შეგახსენებთ, რომ ნასტასიას დებიუტი პარიზის 2025 წლის Fall/Winter მოდის კვირეულზე შედგა, სეზონის ფარგლებში კი ის ყველაზე გამორჩეულ 22 მოდელს შორის მოხვდა და პოდიუმზე წარსდგა ისეთი გავლენიანი ბრენდებისთვის, როგორებიცაა Louis Vuitton, Chanel, Ann Demeulemeester, Chloé და Courrèges. Models.com-მა ნასტასია 2025 წლის გამორჩეულ ახალბედა მოდელთა სიაში შეიყვანა.მოდელმა კარიერა Women Management Paris-ში დაიწყო, ამ ეტაპისთვის კი ის წარმოადგენს Women Management New York-ს, Women Management Milan-სა და Scoop Models.

ახალბედა მოდელი კინორეჟისორისა და მწერლის, მრავალთათვის საყვარელი რომანის „მზე, მთვარე და პურის ყანა“-ს ავტორის, თემურ ბაბლუანის შვილიშვილი და ჟურნალისტ ოლგა ბაბლუანის ქალიშვილია. ნასტასია საფრანგეთში გაიზარდა, სადაც დღემდე ცხოვრობს და სწავლობს, თუმცა ხშირად სტუმრობს საქართველოს დედასა და დასთან ერთად.

სამოდელო კარიერის პარალელურად, ნასტასია მსახიობობითაც არის დაინტერესებული. 2012 წელს მან მოკლემეტრაჟიან ფილმ „What Can I Wish You Before The Fight?“-ში ელისის როლი შეასრულა.