NASA-მ კოსმოსური ფრენების სერტიფიცირების მოძველებულ წესებს გადახედა და ასტრონავტებს თანამედროვე სმარტფონების, კერძოდ, iPhone-ების გამოყენების უფლება მისცა. ამის შესახებ ამერიკელმა მილიარდერმა, აშშ-ის კოსმოსური სააგენტოს, NASA-ს ახალმა დირექტორმა ჯარედ აიზეკმენმა Twitter-ზე დაწერა.
სმარტფონებს კოსმოსში პირველები Artemis II-ის მისიის წევრები წაიღებენ, რომლის ფარგლებშიც კოსმოსური ხომალდი Orion ოთხ ასტრონავტთან ერთად მთვარის ორბიტას შემოუფრენს და დედამიწაზე დაბრუნდება. მისიის გაშვება თავდაპირველად 2026 წლის 6 თებერვალს იყო დაგეგმილი, მაგრამ ტექნიკური პრობლემების გამო მარტამდე გადაიდო.
სმარტფონების კოსმოსში წაღებას Crew-12-ის ეკიპაჟის წევრებიც შეძლებენ, რომელთა გაფრენა საერთაშორისო კოსმოსურ სადგურზე 2026 წლის 15 თებერვალს არის დაგეგმილი და მათ შემდეგ NASA-ს ყოველი შემდგომი მისია.
აიზეკმანის თქმით, თანამედროვე მოწყობილობები ასტრონავტებს საშუალებას მისცემს მისიების დროს, მნიშვნელოვანი მომენტები უფრო სწრაფად და ეფექტურად ჩაწერონ, მათ შორის ფართო აუდიტორიისთვის.
„ჩვენს ეკიპაჟებს ვაძლევთ ინსტრუმენტებს, რათა განსაკუთრებული მომენტები ფირზე აღბეჭდონ და მსოფლიოს შთამაგონებელი ფოტოები და ვიდეოები გაუზიარონ. არანაკლებ მნიშვნელოვანია, რომ მოძველებული პროცესები გამოვრიცხეთ და თანამედროვე კოსმოსური ფრენების აღჭურვილობის სერტიფიცირება დავაჩქარეთ. ასეთი ოპერატიულობა NASA-ს ორბიტაზე და მთვარის ზედაპირზე სამეცნიერო და კვლევითი პროგრამების განხორციელებაში დაეხმარება. ეს არის პატარა, მაგრამ მნიშვნელოვანი წინ გადადგმული ნაბიჯი“, – თქვა აიზეკმანმა.
ადრე, კოსმოსში გაგზავნამდე ნებისმიერ ელექტრონულ მოწყობილობას ხანგრძლივი რადიაციული, ვაკუუმური და თერმული ტესტირება უნდა გაევლო. მაგაითად, Artemis II-ის მისიაში დაგეგმილი იყო 2016 წლის Nikon DSLR კამერების და GoPro-ს მოქმედებითი კამერების გამოყენება, რომლებიც უკვვე ათ წელზე მეტი ხნისაა.
ასევე დაგაინტერესებთ
#OK! ერთი მოწეული სიგარეტი სიცოცხლის ხანგრძლივობას 20 წუთით ამცირებს
