მსოფლიოს ყოფილი პირველი ჩოგანი, 45 წლის ვენუს უილიამსი, თავის შეყვარებულზე, 37 წლის მსახიობ ანდრეა პრეტიზე დაქორწინდა. წყვილმა გასულ შაბათ-კვირას, ფლორიდის შტატის ქალაქ პალმ-ბიჩში დიდი ქორწილი გადაიხადა. ცერემონიის ამსახველი ფოტოები ინტერნეტში უკვე გავრცელდა.
როგორც ირკვევა, წყვილი პირველად 18 სექტემბერს, იტალიაში, ახლო მეგობრების ვიწრო წრეში დაქორწინდა. ფლორიდის ქორწინება თავისი პომპეზურობით გამოირჩეოდა. ზეიმი, რომელიც ხუთ დღეს გაგრძელდა, მოიცავდა აუზთან გართობას, ბუდუარის სტილის საქორწილო ცერემონიას, იტალიურ ვახშამს და სპორტულ თამაშებს.
ხუთი დღის განმავლობაში, პატარძალმა დაახლოებით ათი სხვადასხვა საქორწინო კაბა მოირგო ისეთი ბრენდებისგან, როგორიცაა Morilee New York, Kim Kassas Couture, Wona Concept და Nadia Manjarrez. ახალდაქორწინებულებს ვენუს უილიამსის დამ, ასევე მსოფლიო ყოფილმა პირველმა ჩოგანმა სერენა უილიამსმა ულამაზესი იახტა აჩუქა და საქორწინო სუფრაზეც იზრუნა.
შარშან ვენუსმა ერთ-ერთ ინტერვიუში გაამხილა, რომ სპორტულ კარიერას აგრძელებს, რათა „კარგად გამოიყურებოდეს და დაბერება შეანელოს.“
ასევე დაგაინტერესებთ
#OK! ნიკოლ კიდმანი, ვენუს უილიამსი და ბიონსე 2026 წლის Met Gala-ს თანათავმჯდომარეები იქნებიან
