საქართველოს ყოფილი რეზიდენტი დღეს გამართულ სასამართლო სხდომაზე საერთაშორისოდ აღიარებული ქართველი დიზაინერის დემნა გვასალიას მაისურით გამოჩნდა.
“ეს არის მაისური, რომელიც საჩუქრად გამომიგზავნა დემნა გვასალიამ, ყველაზე ნიჭიერმა ქართველმა დიზაინერმა, არ მინდა სხვას ვაწყენინო, უნდა ვთქვა, მსოფლიოში ყველაზე ცნობილმა ქართველმა დიზაინერმა… ის აფხაზეთიდან დევნილი არის. მინდა დემნას აქიდან შევუთვალო დიდი მადლობა ასეთი ძვირფასი საჩუქრისთვის, მე ამას მთელი ცხოვრება შევინახავ” – განაცხადა სასამართლო როცესზე მიხეილ სააკაშვილმა.
შეგახსენებთ, რომ უკრაინის დროშის ფერებში გაწყობილი მაისური “ბალენსიაგას” 2022 წლის უახლესი კოლექციის ჩვენებაზე დემნა გვასალიასთან ერთად ასევე ბელა ჰადიდს, სელმა ჰაიეკს და დარბაზში მჯდომ არაერთ სტუმარს ეცვა.
სიმბოლურ მაისურებთან ერთად დემნა გვასალიამ ბალენსიაგას ახალ კოლექციაში ცისფერი და ყვითელი კაბა სწორედ უკრაინის მხარდასაჭერად გამოიტანა.
იხილეთ სრული ვიდეო:
ასევე იხილეთ:
#OK! საბა ბახიას ახდენილი ოცნება – შეხვედრა დემნა გვასალიასთან
