24 ნოემბერს, აშშ-ის პირველმა ლედიმ, მელანია ტრამპმა ტრადიციული საშობაო ნაძვის ხე საზეიმო ვითარებაში მიიღო, რაც თეთრ სახლში სადღესასწაულო სეზონის დაწყებას ნიშნავს. მელანიამ დაათვალიერა 8 მეტრამდე სიმაღლის ფუმფულა ნაძვი, რომელიც მიჩიგანში, Korson’s Tree Farms -ის ფერმაში გაიზარდა და ნაძვის თანმხლებ, შავ ფრაკებსა და ცილინდრებში გამოწყობილ მამაკაცებს გაესაუბრა.
„ეს ლამაზი ნაძვია“ – თქვა მან.
მელანიამ, როგორც მოდის ნამდვილმა კანონმდებელმა, ღონისძიებისთვის Dior-ის თეთრი პალტო, შინდისფერი ტყავის ხელთათმანები და Manolo Blahnik-ის ფეხსაცმელები შეარჩია, რითიც Ralph Lauren-ის სტილის წლევანდელ საშობაო ტენდენციას მხარი დაუჭირა.
პირველი ლედის გულშემატკივრები სოციალურ ქსელებში უკვე აქტიურად განიხილავენ მის სამოსს.
„რა მოხდენილად შეიტანა პირველმა ლედიმ რალფ ლორენის ესთეტიკა თავის ლუქში!“ „მშვენიერი ლუქია!“ წერენ ისინი.
People-ის ცნობით, მელანია მალე 2025 წლის სადღესასწაულო დეკორაციებს წარადგენს, რომლებმაც ტრამპის პირველი პრეზიდენტობის განმავლობაში არაერთხელ მიიპყრო ყურადღება.
მაგალითად, 2018 წელს მელანია ტრამპმა 40 სისხლისფერი წითელი, კონუსის ფორმის საშობაო ნაძვის ხე წარადგინა ესთეტიკით, რომელსაც მან „ამერიკული საგანძური“ უწოდა.
დეკორაციამ სოციალურ ქსელში ცხარე დისკუსია გამოიწვია. 2020 წელს CNN-მა მელანია ტრამპის 2018 წლის სატელეფონო საუბრის ჩანაწერი გამოაქვეყნა, რომელშიც პირველი ლედი ასისტენტს დეკორაციებზე ესაუბრება.
„მე შეშლილივით ვმუშაობ საშობაო სამზადისზე, მაგრამ იცით, ვის სჭირდება ეს საშობაო დეკორაციები და ორნამენტები? მაგრამ მე უნდა გავაკეთო ეს, არა? კარგი, ვაკეთებ და ვამბობ, რომ შობაზე ვმუშაობ და ვგეგმავ შობას და ისინი მეკითხებიან: „რა ელით არალეგალი იმიგრანტების შვილებს, რომლებიც მშობლებს საზღვარზე დააშორეს. —თავი დამანებეთ ყველამ“ – ამბობს მელანია ჩანაწერში.
თეთრ სახლში საშობაო ნაძვის ხის დადგმის ტრადიცია 1966 წლიდან დაიწყო, როდესაც ნაძვის ხის მწარმოებელთა ეროვნულმა ასოციაციამ ამერიკის მასშტაბით, ფერმებს შორის კონკურსის ჩატარება გადაწყვიტა. 2025 წლის ივლისში, კონკურსში მიჩიგანის შტატში მდებარე Korson’s Tree Farms-მა გაიმარჯვა.
ნაძვის ხე თეთრი სახლის წინ, საპრეზიდენტო პარკში დაიდგმება. მისი საზეიმო ანთება 4 დეკემბერს, პრეზიდენტ დონალდ ტრამპისა და პირველი ლედის თანდასწრებით გაიმართება. იქ მისვლა ყველა მსურველს შეუძლია – ბილეთები ლატარიის საშუალებით გათამაშდება.
კიდევ ერთი ნაძვის ხე რეზიდენციის შიგნით დაიდგმება.
ასeვე დაგაინტერესებთ
#OK! აშშ-ში „წლის ნაძვი“ შეარჩიეს, რომელიც ნიუ-იორკში დაიდგმება – როგორ დაიწყო ტრადიცია?
