აზერბაიჯანის პრედიზენტი ილჰამ ალიევი და პირველი ლედი, მეჰრიბან ალიევა სახელმწიფო ვიზიტის ფარგლებში ერთი დღით საქართველოს ესტუმრნენ. პირველმა ლედიმ თბილისში ყოფნისას კიდევ ერთხელ დაამტკიცა, რომ კლასიკური სტილი არასოდეს გადადის მოდიდან. მეჰრიბან ალიევა საქარათველოში სტუმრობისას შავი, თეთრი და ყავისფერი ტანისამოსით გამოჩნდა – არჩევანი, რომელიც ერთდროულად მკაცრიცაა და უაღრესად ელეგანტურიც.
სტრუქტურული პიჯაკი, იდეალურად მორგებული შარვალი და ატლასის დეტალებით გაფორმებული ზედა ნაწილი ქმნის „power suit“-ის ეფექტს — იმ სტილს, რომელსაც მსოფლიო პოლიტიკაში გავლენიანი ქალები ხშირად ირჩევენ. მინიმალისტური აქსესუარები და სუფთა სილუეტი ლუქს კიდევ უფრო დახვეწილს ხდის.
განვიხილოთ პირველი, შავი ლუქი, რომელიც მან საქართველოს ეროვნულ მუზეუმში სტუმრობისას მოირგო:
პიჯაკი
კლასიკური სტრუქტურული ფორმის პიჯაკი, სტილით ძალიან ჰგავს saint laurent-ის Cassandre Black Blazer- ს რომლის ღირებულებაც €2.500-დან იწყება. მკვეთრი მხრები და იდეალურად მდგარი სილუეტი ბრენდის ხელწერას ემთხვევა.
პერანგი
ატლასის ტექსტურის მინიმალისტური პერანგი, სავარაუდოდ tom ford ან Dolce & Gabbana-დანაა.
შარვალი
სწორი ჭრის კლასიკური შარვალი სტილით ახლოს Alexander McQueen- ის, Saint Laurent- ის და Armani-ს კლასიკურ მოდელებს ჰგავს, რომლებიც ოფიციალურ ჩაცმულობაში ხშირად გვხვდება.
ჩანთა
ფრანგული მოდის სახლი Rabanne-ის ეს კონკრეტული PACO NIGHT LEATHER BAG მოდელი გამოირჩევა დახვეწილი, თუმცა გამოკვეთილი სილუეტით და წარმოადგენს ლუქის მთავარ აქცენტს, რომელიც ერთდროულად ფუნქციური და გამორჩეული, თვალშისაცემი აქსესუარია. ჩანთის ღირებულება ოფიციალურ საიტზე $2.250-ია. Rabanne-ის ეს მოდელი იდეალურად ერგება როგორც ყოველდღიურ ქალაქურ სტილს, ისე საღამოს გლამურულ ლუქებს – სწორედ ის ტიპის ჩანთაა, რომელიც მინიმალური ძალისხმევით მაქსიმალურ ეფექტს ქმნის.
რაც შეეხება მეორე ლუქს, რომელიც აზერბაიჯანის პირველმა ლედიმ საქართველოს პირველ ლედისთან ლანჩზე მოირგო:
პერანგი
ეს არის STAUD-ის ბრენდის Phoebe მოდელის ბლუზა, რომლის ღირებულებაც ოფიციალურ საიტზე 1455 ლარია. იგი დამზადებულია ელასტიური ატლასის ქსოვილისგან, აქვს მაღალი საყელო, “ღამურის” სტილის სახელოები და წელზე შესაკრავი დეტალი, რაც სამოსს განსაკუთრებულ სილუეტს სძენს.
შარვალი
თეთრი კლასიკური, მსგავსი დგომის შარვლები გვხვდება როგორც ლუქს ისე ხელმისაწვდომ ბრენდებში, როგორებიცაა – Massimo Dutti, Mango, Zara და Ralph Lauren. მსგავს, განსაკუთრებულ ბლუზასთან შეხამებული თეთრი კლასიკური შარვალი მთლიან ლუქს მეტად დაბალანსებულს ხდის.
ჩანთა
ლუქის ერთ-ერთი ყველაზე ძვირადღირებული და დახვეწილი ელემენტია Louis Vuitton-ის საკულტო მოდელი Capucines BB. ეს ჩანთა 2018 წლის კოლექციიდანაა და პრემიუმ ხარისხის თეთრი ტყავისგანაა დამზადებული. ჩანთის ღირებულება $5.000-ია.
ფეხსაცმელი
მთლიან ლუქს Gianvito Rossi-ს თეთრი 10.5 სანტიმეტრიანი მაღალქუსლიანი ფეხსაცმელი კრავს, რომლის ღირებულებაც Farfetch-ზე $795-ია.
