ესპანური ბრენდი MASSIMO DUTTI ათ წელზე მეტია ქართველ მომხმარებელს ქალისა და მამაკაცის დახვეწილ კოლექციას სთავაზობს. ბრენდისთვის დამახასიათებელი ურბანული სტილი, მინიმალისტური ხაზი და უმაღლესი ხარისხი მის ყოველ კოლექციაში აისახება. უფრო ვრცლად ბრენდის კონცეფციაზე და სამომავლო გეგმებზე ჟურნალ OK!-ის ბრენდის კომერციული ხელმძღვანელი კავკასიის რეგიონში (საქართველო, აზერბაიჯანი და სომხეთი), თეო ჯიქიძე ესაუბრა.
საქართველოში ბევრისთვის საყვარელი ბრენდია Massimo Dutti-ი. თქვენი აზრით, როგორ მოახერხა ბრენდმა ნდობისა და სიყვარულის მოპოვება?
MASSIMO DUTTI 10 წელზე მეტია, რაც საქართველოს ბაზარზე ოპერირებს, Retail Group Georgia-ს („რითეილ გრუპ ჯორჯიას“) მენეჯმენტის ქვეშ, რომელიც თავის მხრივ FAWAZ ALHOKAIR GROUP-ს წარმოადგენს საქართველოში.
2012 წელს როდესაც პირველი მაღაზია გავხსენით, ეს იყო ინოვაცია − მოდის საცალო გაყიდვების ბაზარზე ასეთი კლასის ბრენდის გამოჩენა. ბრენდმა პირველივე დღიდან მოიპოვა მომხმარებლის სიყვარული და ერთგულება, რაც განპირობებულია მუდმივად განახლებადი და ხარისხიანი კოლექციით, მომსახურების მაღალი სტანდარტით და მომხმარებელზე ორიენტირებული პოლიტიკით.
ალბათ დამეთანხმებით, რომ ამ ბრენდისთვის დამახასიათებელია მინიმალისტური ხაზი. გვესაუბრეთ, რაზეა ბრენდი ორიენტირებული?
ჩვენი კოლექციები ელეგანტური, ბუნებრივი მინიმალიზმისა და ხარისხიანი, კარგად მორგებული სტილის შერწყმას წარმოადგენს. Massimo Dutti-ს ყველა ნივთს აქვს თავისი „დნმ“, რომლის გარჩევა საკმაოდ მარტივია.
ელეგანტური, კარგად მორგებული სამოსიდან დაწყებული, კომფორტული ყოველდღიური ნივთებით დამთავრებული, ბრენდი წარმოადგენს დახვეწილი სიმარტივის თანამედროვე ინტერპრეტაციას.
გავიმეორებ, რომ ჩვენი მიზანია მომხმარებლის უზრუნველყოფა მუდმივად განახლებადი კოლექციებით, რომელსაც ახლავს მაღალი კლასის სერვისი. ჩვენმა მომხმარებლებმა იციან, რომ გუნდი სრული შემადგენლობით მათ სამსახურში ვართ.
თქვენი აზრით, როგორია Massimo Dutti-ის მომხმარებელი?
ბრენდი განასახიერებს ბუნებრივი ელეგანტურობის იშვიათ ხედვას დღევანდელ მსოფლიოში. ჩვენ ვქმნით დახვეწილ მოდას დამოუკიდებელი და წარმატებული ადამიანებისთვის, რომლებსაც ესმით, რომ სტილი პირდაპირპროპორციულად ასახავს ცხოვრების ხარისხს.
აქედან გამომდინარე, ჩვენი მომხმარებელი წარმატებული, გემოვნებიანი და ხარისხზე ორიენტირებულია, ვისთვისაც დახვეწილი სტილი ყოველდღიურობის ნაწილია. ჩვენმა მომხმარებელმა ზუსტად იცის „თაიმლეს“ მოდელებისა და სამოსში ინვესტირების ფასი.
როგორი იქნება Massimo Dutti-ის 2023 წლის იანვრის კოლექცია?
აღსანიშნავია, რომ ჩვენ არ ვართ Trend chasers − ტრენდებზე მონადირე ბრენდი, რაც გულისხმობს, რომ ფრთხილად და შერჩევით აისახება მიმდინარე ტრენდები ჩვენს კოლექციებში და ზუსტად ეს ხდის ჩვენს სამოსს უნიკალურს. მომხმარებელს ტრენდებს ბრენდის ჩვეული, ბუნებრივი ინტერპრეტაციით ვაწვდით.
2023 წელსაც არ ვუღალატებთ ტრადიციას და ჩვენი მომხმარებელი მაღაზიებში აღმოაჩენს როგორც ყოველდღიურ-ურბანულ, ისე დახვეწილ საოფისე და გამოსასვლელ სამოსს.
სამომავლო გეგმები…
ჩვენ − „რითეილ გრუპ ჯორჯია − Alhokair Fashion Retail“ მუდმივ ზრდა-განვითარებაზე ორიენტირებული კომპანია ვართ. ბრენდის ასეთი ურყევი წარმატებიდან გამომდინარე, გეგმაში გვაქვს დასავლეთ საქართველოს ბაზრის ათვისება. ქალაქებიდან პრიორიტეტია ბათუმი. ასე რომ, საინტერესო სიახლეები წინ არის.
ტექსტი: სოფიო მალანია
ფოტო: ალექსეი სეროვი
