#OK! Marrson - ინტერვიუ ბრენდის დამფუძნებელ მარიამ ბიბილაშვილთან

ქართული ბრენდი Marrson შექმნილია მათთვის, ვინც ყველაზე მეტად აფასებს დახვეწილ სტილსა და მაღალ ხარისხს. იგი მომხმარებლებს ქვილთის დეკორატიული პლედების, ბალიშებისა და მუთაქების, თავის მოვლის პროცესში გამოსაყენებელი პირსახოცების ნაკრებისა და საწოლის თეთრეულის ფართო არჩევანს სთავაზობს. Marrson მუდმივად ცდილობს მომხმარებლის სასიამოვნო სიახლეებით განებივრებას. გამონაკლისს არც მისი სამომავლო გეგმები წარმოადგენს. სულ მალე Marrson-ის უკვე არსებულ პროდუქციას დაემატება ტანსაცმლის ხაზი. დეტალური ინფორმაციისთვის OK! გაესაუბრა Marrson-ის დამფუძნებელ მარიამ ბიბილაშვილს.

გვიამბეთ Marrson-ის შექმნის ისტორია.

კერვა და ქსოვა ჩემი საყვარელი პროფესია ბავშვობიდან გახდა. ჯერ კიდევ 4 წლის ვიყავი, როდესაც დედას საკერავი მანქანით ჩემს თოჯინებს ტანსაცმელს ვუკერავდი. 10-11 წლის ასაკში ვისწავლე ქვილთის (სადა ქსოვილზე ფერადი ნაჭრებით შექმნილი კომპოზიციაა. დამზადების მეთოდიდან გამომდინარე, შეუძლებელია მისი გამეორება) ტექნიკით კერვა და დავიწყე პატარა ჩანთებისა და საფულეების დამზადება, რაც დიდი მოწონებით სარგებლობდა იმ მცირე აუდიტორიაში, რომლისთვისაც ჩემი ნამუშევრების ჩვენება შემეძლო. როცა წამოვიზარდე, ზრდასრული ცხოვრების სირთულეებმა და პასუხისმგებლობებმა სხვა მიმართულებით წამიყვანა, თუმცა მას შემდეგ, რაც პანდემია დაიწყო და მეტი დრო დამრჩა ღირებულებების გადასაფასებლად, მივხვდი, რომ აუცილებლად უნდა დავბრუნებოდი იმ საქმეს, რომელიც ნამდვილად მიყვარს. ასე მივედი ამ ბრენდის შექმნის იდეიდან ამ იდეის განხორციელებამდე.

რა სახის პროდუქციას სთავაზობთ მომხმარებლებს?

ამ ეტაპზე Marrson მომხმარებელს ქვილთის დეკორატიულ პლედებს, ბალიშებსა და მუთაქებს, თავის მოვლის პროცესში გამოსაყენებელი პირსახოცების ნაკრებს და საწოლის თეთრეულის ფართო არჩევანს სთავაზობს.

მთავარი ნიშა, რომელიც თქვენს პროდუქციას გამოარჩევს.

ჩვენ გვინდა მომხმარებელს შევთავაზოთ მაღალი დონის პროდუქტი, რომელიც გამორჩეული იქნება როგორც ხარისხით, ასევე სილამაზითა და ფუნქციურობით. თითოეული პროდუქტი, რომელსაც ვაწარმოებთ, მზადდება მაღალი ხარისხის ქსოვილებით, რაც პირველსავე შეხებით იგრძნობა. სწორედ ეს განაპირობებს მომხმარებლების კმაყოფილებას და დადებით შეფასებას, რაც ასევე ძალიან მნიშვნელოვანია ჩვენთვის.

სად არის თქვენი პროდუქციის შეძენა შესაძლებელი?

პროდუქციის შეძენა ამ ეტაპზე შესაძლებელია ონლაინ, ფეისბუქისა და ინსტაგრამის საშუალებით, თუმცა ძალიან მალე გაიხსნება მაღაზიაც, სადაც მომხმარებელი შეძლებს პროდუქციის ადგილზე დათვალიერებას და არჩევას.

სამომავლო გეგმები.

რა თქმა უნდა, არ ვაპირებთ მხოლოდ ამ პროდუქტებზე გაჩერებას და უპირველეს ყოვლისა, ტანსაცმლის ხაზის დამატება იგეგმება. საქართველოში გვაქვს იმის პოტენციალი, რომ არსებობდეს ადგილობრივი ბრენდი, რომელიც აწარმოებს მაღალი ხარისხის, დახვეწილ და ორიგინალურ ტანსაცმელს. ასევე, არის იმის წინაპირობა, რომ ჩვენი პროდუქტი გავიდეს ექსპორტზე, რაც არა მარტო ცნობადობას, არამედ ეკონომიკურ სარგებელსაც მოუტანს ქვეყანას.