14 მარტის საღამოს რუსეთის პირველ არხზე მთავარი საინფორმაციო გამოშვების დროს, რომელიც ეკატერინე ანდრეევას მიყავდა, პირდაპირ ეთერში მარინა ოვსიანნიკოვა პლაკატით შევიდა. პლაკატზე ეწერა – NOWAR (არა ომი).
შეწყვიტე ომი, არ დაუჯეროთ ამ არხის პროპაგანდას! აქ ტყუიან! ‘NO WAR ! Russians Against War !
ოვსიანნიკოვამ ასევე გაავრცელა წინასწარ ჩაწერილი ვიდეო უფლებადამცველი ჯგუფის OVD-Info-ს მეშვეობით, სადაც ის საუბრობს, თუ როგორ სცხვენია, რომ ამდენი წელი კრემლის პროპაგანდით იყო დაკავებული.
„სამწუხაროდ, რამდენიმე წელი ვმუშაობდი პირველ არხზე და ვიყავი დაკავებული კრემლის პროპაგანდით, ახლა ძალიან მცხვენია ამის. სირცხვილია, რომ ტელე-ეკრანიდან მოტყუების უფლება მომცეს. სირცხვილია, რომ მან დაუშვა რუსი ხალხის ზომბირება. ჩვენ ჩუმად ვიყავით 2014 წელს, როცა ის ჯერ კიდევ იწყებოდა. ჩვენ პროტესტის ნიშნად არ გამოვედით, როდესაც კრემლმა მოწამლა [ოპოზიციის ლიდერი ალექსეი] ნავალნი“, – თქვა მან.
ვიდეოეომიმართვაში მან აღნიშნა, რომ მისი მამა უკრაინელია, დედა კი რუსი.
„ჩვენ ჩუმად ვუყურებთ ამ არაადამიანურ რეჟიმს. ახლა კი მთელი მსოფლიო გვიშორებს და მომდევნო 10 თაობა ვერ ჩამოირეხცავს ამ სირცხვილს, ძმათამკვლელი ომის სირცხვილს. ამ აგრესიაზე პასუხისმგებლობა მხოლოდ ერთი ადამიანის მხრებზეა: ვლადიმერ პუტინის მხრებზე.’’
მან თანამემამულეებს მოუწოდა შეუერთდნენ ომის საწინააღმდეგო საპროტესტო აქციებს კონფლიქტის დასრულების მიზნით.
”მხოლოდ ჩვენ გვაქვს ძალა, რომ შევაჩეროთ მთელი ეს სიგიჟე. წადი პროტესტზე. ნუ გეშინია, ყველას ციხეში ვერ ჩაგვსვამენ“.
The Guardian-ის ცნობით, ოვსიანნიკოვა მალევე დააკავეს. უფლებადამცველი ჯგუფის აგორას ხელმძღვანელმა პაველ ჩიკოვმა მოგვიანებით განაცხადა, რომ ოვსიანნიკოვა დააკავეს და მოსკოვის პოლიციის განყოფილებაში გადაიყვანეს. ჩიკოვმა ტვიტერში დაწერა, რომ ადვოკატები ცდილობდნენ მის პოვნას დაკავების შემდეგ.
მარიანა ოვსიანნიკოვა 1978 წელს ოდესაში დაიბადა. ოვსიანნიკოვა არის რუსეთის პირველი არხის რედაქტორი, ორი შვილის დედა და ცხოვრობს მოსკოვში. მან დაამთავრა Kuban-ის სახლმწიფო უნივერსიტეტი. 2001 წლიდან 2005 წლამდე სწავლობდა რუსეთის ეროვნული ეკონომიკისა და სახელმწიფო მართვის აკადემიაში.
