2026 წლის ზამთრის ოლიმპიური თამაშები ილია მალინინისთვის მოულოდნელი შედეგით დასრულდა. 21 წლის ამერიკელი, რომელსაც მსოფლიო „ქუად ღმერთის“ სახელით იცნობს, ორ წელზე მეტი დომინირებდა ფიგურულ სრიალში და მოკლე პროგრამის შემდეგ ფინალში სოლიდური უპირატესობით ლიდერობდა, სადაც მალინინმა რამდენიმე მისთვის უჩვეულო შეცდომა დაუშვა, რის შედეგადაც პირველი ადგილიდან მერვე პოზიციაზე ჩამოქვეითდა და მედლისთვის ბრძოლას გამოეთიშა – რაც თამაშების ერთ-ერთ ყველაზე დიდ სენსაციად იქცა. ახალგაზრდა სპორტსმენი თავისუფალ პროგრამაში ხუთქულიანი უპირატესობით სარგებლოდა და ოქროს მოსაპოვებლად მხოლოდ სუფთა შესრულება სჭირდებოდა.
მეორე მხრივ, ყაზახეთის წარმომადგენელმა მიხაილ შაიდოროვმა სუფთა შესრულებით ოქროს მედალი მოიპოვა და საკუთარ ქვეყანას სამი ათწლეულის შემდეგ ზამთრის ოლიმპიადაზე პირველი ოქრო მოუტანა. ვერცხლის მედალი იაპონელმა იუმა კაგიამამ, ხოლო ბრინჯაოს მედალი ასევე იაპონელმა შუნ სატომ მოიპოვა.
რაც შეეხება ქართველ მოასპარეზე ნიკა ეგაძეს, მან მოკლე პროგრამაში ასპარეზობით მე-15 ადგილის მოპოვების შემდეგ, ინდივიდუალურ, თავისუფალ პროგრამაში მე-10 ადგილი დაიკავა.
