თუ ოცნებობთ სახლზე, რომელიც ოსკაროსანი მსახიობების საყვარელი ადგილი და ჰოლივუდის ოქროს ხანის ნაწილია, ოცნების ასრულების შანსი გეძლევათ. ელიტურ საცხოვრებელ კომპლექსში – Century Towers, სადაც ოდესღაც კინოს ვარსკვლავები ცხოვრობდნენ, გასაყიდად გამოიტანეს მაიკლ დუგლასისა და კეტრინ ზეტა-ჯონსის ყოფილი ბინა. ეს არა მარტო უძრავი ქონება, ჰოლივუდის ერთ-ერთი ყველაზე ბრწყინვალე წყვილის პირადი ისტორიის ნაწილია.
ბინა, რომლის ფასი 6,995,000 დოლარია, არქიტექტურის გენიოსის, იო მინ პეის დაპროექტებული ცათამბჯენის 23-ე სართულზე, 240 კვადრატული მეტრზე მდებარეობს. ბინის ფანჯრებიდან ულამაზესი ხედები იშლება, სადაც ცა და ქალაქი ერთიანდება.
ვარსკვლავების ბინა ორი მეზობლად მდებარე ბინის გაერთიანების შედეგად შეიქმნა, რაც 1990-იან წლებში, თავად მსახიობებმა განახორციელეს. ინტერიერი გრაფიტის ავეჯის, ბუნებრივი მასალით მიპირკეთებული კედლების, იატაკის და შუქის დახვეწილ სინთეზს წარმოადგენს, რომელიც ფართო პანორამული ფანჯრებიდან იღვრება.
ორი საძინებელი, სამი აბაზანა, ვრცელი მისაღები ოთახი, მყუდრო მედიაზონა და თანამედროვე სამზარეულო ქმნიან სივრცეს, სადაც გინდა დიდხანს დარჩე.
ღია ტერასაზე, სადაც გამჭვირვალე სლაიდური კარის გავლით გადიხარ, შეგიძლია სანთლის შუქზე, რომანტიკული ვახშამი მოაწყო, ამომავალ მზეს შეეგებო და ლოს-ანჯელესის ხედებით დატკბე.
განსაკუთრებულ აღნიშვნას მთავარი საძინებლის აბაზანა იმსახურებს: მარმარილო, ქვა, ვინტაჟურ ფეხებზე მდგარი აბაზანა და ბუნებრივი ქვით მოპირკეთებული შხაპი – ყველა დეტალი მფლობელის დახვეწილ გემოვნებაზე მეტყველებს.
ბინის ამჟამინდელი მფლობელი მილიარდერ ლეონარდ ლაუდერის მეუღლე და ცნობილი ფოტოგრაფი ჯუდით გლიკმან ლაუდერია. მან ეს ბინა მაიკლ დუგლასისა და კეტრინ ზეტა-ჯონსისგან 2003 წელს, $1,85 მილიონად შეიძინა და პირადი კოლექციის ნაწილად აქცია.
Century Towers დიდი ხანია ჰოლივუდის ელიტის სინონიმად იქცა. ამ სახლში თავის დროზე ცხოვრობდნენ ლანა ტერნერი, დაიანა როსი, ბერტ ლანკასტერი და ა.შ. კომპლექსი თავის მაცხოვრებლებს სრულფასოვან პრემიუმ-სერვისებს სთავაზობს დაწყებული 24-საათიანი დაცვითა და დამთავრებული აუზით, ტენისის კორტებით, ფიტნეს-დარბაზით საუნითა და გოლფის მოედნით. ეს სერვისბეი ყოველთვიურ გადასახადში შედის, რომელიც 4,262 დოლარს შეადგენს.
„ეს უბრალოდ ბინა არ არის – ეს ლოს-ანჯელესის კულტურული მეხსიერების ნაწილია, რომელსაც დროც და მფლობელთა გემოვნებაც ფაქიზად ინახავდა,“ — ამბობს აგენტი ალფონსო ლასკანო სააგენტო Carolwood Estates-იდან, რომელიც ბინის გაყიდვას კურირებს.
მაიკლ დუგლასი და კეტრინ ზეტა-ჯონსი 2000 წელს დაქორწინდნენ. წყვილს ორი შვილი ჰყავს – 24 წლის დილანი და 21 წლის კერისი ჰყავს.
ასევე დაგაინტერესებთ
#OK! სიყვარული, რომელსაც წლებმა ვერაფერი დააკლო: კეტრინ ზეტა-ჯონსი და მაიკლ დუგლასი
