Louis Vuitton თავისი ცნობილი მონოგრამის 130 წლის იუბილეს კამპანიით აღნიშნავს, რომელშიც ზენდაია და მოდის სახლის სხვა მეგობრები მონაწილეობენ. WWD-ის ინფორმაციით, კამპანია გლენ ლუჩფორდმა, თანმხლები მოკლემეტრაჟიანი ფილმები კი რომან კოპოლამ გადაიღო.
ერთ-ერთ რეკლამაში ზენდაია ჩანთა Speedy–ს მიმართავს, რომელიც 1930 წელს შეიქმნა:
„შენთან ერთად რაღაც ნაცნობს ვგრძნობ – თითქოს სიჩქარისკენ ჩემივე სწრაფვის ანარეკლია. შესაძლოა, სწორედ ეს იზიდავს: მოძრაობის შეგრძნება, ლოდინის გარეშე, უბრალოდ სწრაფვა იმისკენ, რაც წინ გველოდება“, – ამბობს მსახიობი, რომელიც 2023 წელს Louis Vuitton-ის ამბასადორი გახდა.
Louis Vuitton – ი კამპანიის მეორე ნაწილში, რომელიც 11 თებერვალს გამოვა, მონაწილეობას მიიღებენ ფრანგი მსახიობი კატრინ დენევი Alma ჩანთით, ჩინელი მსახიობი ლიუ იიფეი Noé bucket ჩანთით და სამხრეთ კორეელი მოდელი და მსახიობი ჩონ ჰო იონი Neverfull ჩანთით.
2026 წლის განმავლობაში ბრენდი მონოგრამის წლისთავისადმი მიძღვნილ მასშტაბურ ღონისძიებებს გეგმავს, რომლებიც კამპანიებს და სხვა სიურპრიზებს მოიცავს.
Посмотреть эту публикацию в Instagram
Louis Vuitton (LV) ფრანგული მოდის სახლია, რომელიც 1854 წელს დიზაინერმა ლუი ვიტონმა დააარსა. Louis Vuitton-ის საკულტო მონოგრამა, რომელიც1896 წელს ჯორჯ ვიტონმა შექმნა, 130 წლის ხდება. LV მონოგრამის მქონე პირველი მოდელები 1896 წელს გამოჩნდა. ეს მხოლოდ პრინტი არაა – ეს ხელოვნებისა და ფრანგული ოსტატობის საუკუნოვანი ისტორიაა.
ექვსი წლის განმავლობაში ზედიზედ (2006-2012), Louis Vuitton მსოფლიოში ყველაზე მდიდრულ ბრენდად დასახელდა. 2012 წლის შეფასებით მისი ღირებულება 25.9 მილიარდი აშშ დოლარი იყო, ბრენდი მსოფლიოს 50 ქვეყანაში მოღვაწეობს და 460-ზე მეტ მაღაზიას ფლობს.
ასევე დაგაინტერესებთ
#OK! ტომ ჰოლანდი და ზენდაია დაინიშნენ – ჰოლივუდი ქორწილის მოლოდინშია
