შარლ ლეკლერი და ალექსანდრა სან-მლუ შაბათს მონაკოში დაქორწინდნენ. მათ სამოქალაქო ცერემონიაზე, რომელიც მაქსიმალური კონფიდენციალურობის პირობებში გაიმართა, ფიცი გაცვალეს. ქორწილი ჩატარდა Mairie de Monaco-ში, მონაკოს კლდეზე, მხოლოდ ახლო მეგობრებისა და ოჯახის წევრების თანდასწრებით.
წყვილის სურვილის შესაბამისად, ქორწინების ამბავი ორშაბათის შუადღემდე საიდუმლოდ რჩებოდა, მიუხედავად იმისა, რომ ოფიციალურად გასაჯაროებამდე წყვილის ფოტო, სადაც ალექსანდრა საქორწინო კაბაში ჩანს ინტერნეტ სივრცეში ვირუსულად გავრცელდა.
ლეკლერმა ინსტაგრამზე ვინტაჟურ სტილში გადაღებული ვიდეოებისა და ფოტოების სერია გაავრცელა. დამატებითი დასტური გახდა ისიც, რომ ალექსანდრამ სოციალურ მედიაში სახელი შეცვალა და გახდა ალექსანდრა მალენა ლეკლერი.
View this post on Instagram
ლეკლერის მინიშნებით ზეიმი ჯერ არ დასრულებულა — სპორტსმენმა ინსტაგრამზე გულშემატკივრებს უთხრა, რომ ეს მხოლოდ „ნაწილი 1“ იყო და დაამატა, რომ „ნაწილი 2 მომავალ წელს გაიმართება, ჩვენს ყველა ახლობელთან ერთად“.
ახალდაქორწინებულები კლდიდან მონაკოს ქუჩებში იშვიათი Ferrari 250 Testa Rossa-ით ჩასვლისას დააფიქსირეს.
ქორწინება ნიშნობის შემდეგ ოთხ თვეზე ნაკლებ დროში შედგა, მაშინ როდესაც ლეკლერის სანთლებით განათებულმა წინადადებამ, გულს ფორმის ვარდის ფურცლებითა და შთამბეჭდავი ბრილიანტის ბეჭდით, სოციალურ ქსელებში დიდი გამოხმაურება გამოიწვია. მათ შორის იყვნენ მონაკოს სამთავრო ოჯახის წევრებიც, რომლებთანაც მრბოლელს ახლო და ფართოდ ცნობილი ურთიერთობა აკავშირებს.
