გასული წელი ბევრი ვარსკვლავური წყვილისთვის ურთიერთობის ოფიციალურად დადასტურებით დასრულდა, ახლა კი რამდენიმე საქორწილო ცერემონიას ველით! ამ კრებულში 2026 წლის მოსალოდნელ ქორწილებზე გიამბობთ.
დუა ლიპა და კალუმ ტერნერი
მათი ურთიერთობის შესახებ ხმები 2024 წლის დასაწყისში გავრცელდა, რამდენიმე თვეში კი წყვილმა ეს ამბავი ოფიციალურად დაადასტურა. მიუხედავად იმისა, რომ დუა ლიპა და კალუმ ტერნერი გრძნობებს არ მალავენ და ერთობლივ ფოტოებსაც ხშირად აზიარებენ, მათზე, როგორც წყვილზე, ბევრი რამ მაინც არ ვიცით. 2025 წლის დასაწყისში მსახიობმა საყვარელ ქალს ხელი სთხოვა. ნიშნობის ბეჭედი მან მომღერლის დისა და მეგობრების რჩევით შეარჩია, საქორწილო ცერემონიას კი წელს ველოდებით.
ჯორჯინა როდრიგესი და კრიშტიანუ რონალდუ
ჯორჯინა და კრიშტიანუ ერთმანეთს 2016 წლიდან ხვდებიან. მათი ნაცნობობა Gucci-ს ბუტიკში შედგა, სადაც გოგონა კონსულტანტად მუშაობდა. 2025 წელს, 8 წლიანი თანაცხოვრების შემდეგ კრიშტიანუმ ჯორჯინას ხელი სთხოვა და რა თქმა უნდა, თანხმობა მიიღო. წყვილს უკვე ხუთი შვილი ჰყავს.
„ბავშვობიდან ლამაზ ოჯახსა და ნამდვილ პრინცზე ვვოცნებობდი და ის ახლა ჩემს გვერდითაა“ – ამბობს როდრიგესი.
ტეილორ სვიფტი და ტრევის კელსი
ტეილორმა და ტრევისმა ნიშნობა 2 წლიანი ურთიერთობის შემდეგ გადაწყვიტეს. მათი ურთიერთობა მას შემდეგ დაიწყო, რაც ტრევისი ტეილორის Eras Tour–ის კონცერტს დაესწრო და როგორც თავად აღნიშნა, მომღერლით „მოიხიბლა“. ქორწილი უკვე დაგეგმილია. ის 13 ივნისს, უესტერლიში, მდიდრულ სასტუმრო „Ocean House“-ში გაიმართება. 13 ტეილორის საყვარელი რიცხვია – მომღერალს ფულის გადახდა მოუწია, რომ ქორწილი სასურველ დღეს დაენიშნა.
ზენდეია და ტომ ჰოლანდი
მსახიობებმა ერთმანეთი 2016 წელს, ფილმის „ადამიანი–ობობა: შინ დაბრუნება“ გადასაღებ მოედანზე გაიცნეს. წყვილი ჭორებს დიდხანს უარყოფდა და ამტკიცებდა, რომ მხოლოდ მეგობრები არიან, თუმცა 2021 წელს ისინი მანქანაში, კოცნისას შენიშნეს და რომანის დამალვა შეუძლებელი გახდა.
2025 წლიდან მოყოლებული, მოსალოდნელ ქორწილზე ბევრი იწერებოდა, რაც თავად ტომმაც დაადასტურა, როდესაც ერთ-ერთ ინტერვიუში ზენდეიას საცოლე უწოდა. სავარაუდოდ, მოსალოდნელი ქორწილის შესახებ ბევრს ვერაფერს შევიტყობთ, რადგან წყვილი პირადი ცხოვრების გასაიდუმლოებას ამჯობინებს, თუმცა ცნობილია, რომ ის ვიწრო წრეში და მყუდრო გარემოში ჩაივლის.
დავ კამერონი და დამიანო დავიდი
მათი რომანის შესახებ ხმები ჯერ კიდევ 2023 წელს გავრცელდა, როდესაც დავი ჯგუფ Maneskin-ის კონცერტზე შენიშნეს. მომდევნო წელს ისინი წითელ ხალიჩაზე ერთად პირველად გამოჩნდნენ. 2025 წლის 3 დეკემბერს დამიანომ საყვარელ ქალს ხელი სთხოვა და ახლა წყვილის გულშემატკივრები მომავალ ქორწილს მოუთმენლად ელიან.
კამილა მენდესი და რუდი მანკუზო
მსახიობებმა შეხვედრა 2024 წელს, მას შემდეგ დაიწყეს, რაც ფილმში „Música“ ერთად ითამაშეს. მომდევნო წელს რუდიმ კამილას წვეულება მოუწყო და ხელი სთხოვა, მოგვიანებით კი ნიშნობა მეგობრებთან ერთად აღნიშნეს.
ემა რობერტსი და კოდი ჯონი
მათი ურთიერთობის შესახებ 2022 წელს გახდა ცნობილი, როდესაც კოდიმ სოციალურ ქსელში ერთობლივი ფოტოები გამოაქვეყნა.
მანამდე მსახიობს არაერთი ხმაურიანი რომანი ჰქონდა: ერთხელ ის ევან პიტერსზე იყო დანიშნული, მოგვიანებით კი გარეტ ჰედლუნდთან ვაჟი შეეძინა. ინფორმაცია ემასა და კოდის დანიშნვნის შესახებ 2024 წლის ივლისში გავრცელდა, ახლა კი წყვილი ქორწილისთვი ემზადება.
გაბრიელა ბრუკსი და ლიამ ჰემსვორთი
ამ ურთიერთობის დაწყებამდე ცოტა ხნით ადრე, ლიამ ჰემსვორთმა მაილი საირუსთან ნიშნობა გააუქმა. 2019 წელს, როდესაც გაბრიელა ლიამის მშობლებთან ერთად, ვახშმის დროს შენიშნეს, ყველაფერი ნათელი გახდა. 2025 წელს გაბრიელამ ნიშნობა დაადასტურა, ასე რომ, წელს ქორწილს ველოდებით!
მაილი საირუსი და მაქს მორანდო
მათი რომანი უკვე ოთხი წელი გრძელდება. ერთმანეთი 2021 წელს, საერთო ნაცნობების დახმარებით გაიცნეს, მომდევნო წელს კი ურთიერთობა დაადასტურეს. მაქს მორანდო მომღერალზე ექვსი წლით უმცროსია. მას ყურადღების ცენტრში ყოფნა არ მოსწონს და ურჩევნია საყვარელი ქალის პოპულარობის ჩრდილში დარჩეს. 2025 წლის დეკემბერში მომღერალმა ნიშნობის შესახებ პირდაპირ ფილმის – „ავატარი: ცეცხლი და ფერფლი“ პრემიერაზე გამოაცხადა.
კენდის კინგი და სტივენ კრიუგერი
2023 წელს კენდისი ჯო კინგს დაშორდა და სწორედ მაშინ გახდა ცნობილი მისი ახალი რომანის შესახებ სტივენთან. 2025 წელს კენდისმა სტივენთან დანიშვნის შესახებ გამოაცხადა. დადის ხმები, რომ წყვილი უკვე პირველ შვილს ელოდება.
ასევე დაგაინტერესებთ
